Balita Hiligaynon

Patay ang Incident Commander sang local Inter-Agency Task Force sang Guihulngan City nga si Dr. Mary Rose Sancelan kag iya mister nga si Edwin Sancelan matapos sila tiruhon sang riding in tandem kaina sang hapon sa sulod sang ila gina istaran nga subdivision sa Barangay Poblacion sa Guihulngan City.Ini ang gin kumpirma sang City Legal Officer sang siudad nga si Atty. Karen Molas.Suno kay Molas, nagapapauli ang mga biktima gikan trabaho sakay sa ila motorsiklo, sang sila ang gintiro sang riding in tandem.Madamo sang igu sang bala ang mag asawa suno sa iya pati na sa ulo.Suno kay Molas, wala sila makahibalo kun ano ang kabangdanan sa likod sang pagpatay sa incident commander nga amo man ang City Health Officer kag sang iya sini mister.Naga hulat karon ang siudad sang repo...

Mga vendors ang amat-amat na nga nagatukod sang ila mga baligyaan sa palibot sang Bacolod City Public Plaza.Ini matapos nga nagpasar na sang resolusyon ang Sangguniang Panlungsod nga nagapahanugot sa mga vendors sa pagbaligya sa palibot sang public plaza para sa sini nga bulan sang paskwa.Ang Christmas bazaar ang ipahamtang sa may dalan Rizal kag Gatuslao samtang ang mga baligyaan naman sang prutas ang ipahamtang sa dalan San Juan kag Gonzaga.Nalakip man sa resolusyon ang paghinyo sa City Legal Office, Bacolod City Police Office, City Engineer’s Office kag Bacolod Traffic Authority Office sa pagmonitor sa mga vendors kag mga bumalakal nga dapat magsunod sa minimum health protocols kag iban pa nga mga rekomendasyon sang Bacolod Emergency Operations Center.Suno kay Executive ...

Ginpahayag sang PIO sang Negros Occidental Police Provincial Office nga si Police Lieutenant Abegael Donasco nga ila ipatigayon ang random drug test sa bug-os nag kapulisan sa idalom sang NOCPPO.Ini kasunod sa pag positibo sa confirmatory drug test sang isa ka police corporal nga na assign sa NOCPPO.Suno kay Donasco, magluwas sa pag positibo sang isa ka pulis, nadugangan man sang test kits ang NOCPPO gani ang sadto 25% lang nga target nila, karon himuon na nga 100% sang bug-os nga kapulisan.Ongoing na ini sa karon suno kay Donasco kag natapos naman ipaidalom sa drug test ang una na nga 25% sang NOCPPO personnel.Samtang, iya man ginpahayag nga may 15 dias pa ang nag positibo nga pulis para i challenge ang nangin resulta snag drug test kag kun indi niya ini mahimo, maximum pe...

Securities and Exchange Commission ang may nagapaandam sa publiko batuk sa pag invest sang ila nga kwarta sa mga grupo nga nagapakilala bilang mga investment firm.Suno sa public information officer sang SEC Bacolod extension office nga si Clyde Linaja-Padilla, may pila na ka mga nagreklamo sa ila nga opisina nga wala nabalik ang ila gin-invest nga kwarta sa nagpakilala sa ila SEC-registered nga mga kumbuyahan.Paathag sang SEC, wala nagakasayuran nga sarang na makabaton sang investment ang isa ka kumbuyahan kun may mapakita sila nga sec registration kundi kinahanglan pa nila nga magkuha sang secondary registration.Gani iya ginapanugyan nga indi anay mag invest sang kwarta sa isa ka kumbuyahan kundi dapat nga i-check ang background sini sa SEC.Sa mga grupo naman nga nagatanya...

Sagay PNP photoPatay ang 77 anyos nga si Asunsita Brion matapos mabunggo ang salakyan nga ginadala sang iya anak sa isa ka bus kahapon sa highway sa siudad sang Sagay.Sandig sa imbestigasyon sang Sagay PNP, nagadalagan sa opposite direction ang bus kag ang salakyan nga gindala sang dentista nga si Charlotte Macasaling.Gilayon nalang suno sa PNP nga nag agaw sang linya ang salakyan ni Macasaling kag nag rekta head on sa bus.Gilayon gindala sa Macasaling kag ang iya iloy, upod sang isa pa ka nila ka upod sa salakyan ugaling patay na sang mag abot sa ospital ang iloy sang driver.May tatlo man ka pasahero ang bus nga nag agum sang minor injuries.

Sa video nga ginapasa pasahan karon sa social media, makit-an ang tuman nga pila sagwa sang isa ka establisimiento commercial sa siudad sang Himamaylan.Nagdagsa ang mga tawo para sa 12.12 sale nga ginsakdag sang Sabado nga adlaw sang amo nga retail store sa nagkalain lain nga mga branches sini.Mabatian ang tingug nga naga abiso sa mga naga pila nga mag isol. Naka mask man pero wala na nasunod pa ang physical distancing.Bangud sang sitwasyon suno kay Himamaylan Mayor Raymund Tongson ginpauntat sang adlaw na ang amo nga sale.May pulis kag task force ang siudad nga nagbantay kag apesar sang sulit sulit nga pahanumdom wala napunggan ang mga tawo rason nga sa pagsapol sa tagdumalahan sang amo nga retail store nagdesisyon nga untaton na lamang.Suno sa alkalde plastado man kun...

Gin kumpirma sang hepe sang Regional Crime Labotary Office 6 nga si Police Colonel Enrique Ancheta nga nag positibo sa drug test ang isa ka police corporal nga na assign sa Negros Occidental Police Provincial Office.Suno kay Ancheta, 5 sila ka mga pulis sang NOCPPO ang ginpaidalom sa drug test bangud sa sila gina suspetsuhan nga naga usar sang iligal nga droga.Sa 5, ang isa ang nag positibo sa preliminary drug test sang nagligad nga Miyerkules.Siya nga ginpaidalom sa confirmatory test suno kay Ancheta kag liwat na naman nga nag positibo sa pag gamit sang iligal nga droga.Siya ang posible nga mapahalin sa serbisyo suno kay Ancheta.Ang NOCPPO ang naga hulat naman sa karon sang memo gikan sa regional crime lab angut sa resulta sang pulis.

Ang pag aspalto sang dalan Lacson sa Bacolod ang ginreklamo sang mga motorista sang weekend.Ginlikawan sang trabahador sang Department of Public Works and Highways nga mabutangan sang aspalto ang ibabaw nga parte sang mga drainage sa dalan Lacson sa Bacolod para indi matabunan ang mga buho sini.Bbilang resulta nag reklamo ang mga motorista nga naga labay diri kay naga balod balod kutob sa mga salakyan nga naga saka panaog sa mga aspalto sa dalan.Kaina sang aga may mga aspalto na ang ibabaw sang mga drainage kag may mga buho man ini para may ma agyan sa gihapon ang tubig pakadto sa tamburong.May mga motorista nga gin post sa social media ang gilayon nga pag aksyon sang DPWH.