Balita Hiligaynon

Ginpahibalo na ni Iloilo City Mayor Jerry Trenas ang Philippine Coast Guard, MARICOM kag Philippine Ports Authority nga mahimo na sila magbaton sang pasahero gikan sa Bacolod City gani pahanugutan na ang commercial trips sang fast craft sa mga pwerto sang duha ka siudad.Suno sa alkalde, kinahanglan nga magsunod sa minimum health standards, safety protocols kag paggamit sang health declaration cards ang mga pasahero sa Bacolod nga magapadulong sa Iloilo kag amo man ang mga gikan sa Iloilo pakadto sa Bacolod.Sang nagligad nga semana, ginpahayag ni Bacolod Mayor Evelio Leonardia nga nagahulat na lang siya sang pahanugot gikan sa lokal nga pangulohan sang Iloilo para makabalik na ang commercial trips sang mga fast crafts kag roro vessels bangud pareho man lang nga yara sa General Commu...

BY MARTIAN MUYCOBCPO photoGindeklarar sang PNP nga dead on the spot ang tatlo ka mga persona nga nagasakay sa Mustang matapos magsuhot sa idalum sang truck nanga may karga sang tubo sa Circumferential Road, Barangay Villamonte, Bacolod City mga ala una kaina sang kaagahon.Nagamaneho sang salakyan ang 40 anyos nga si Stanley Flores nga tag-iya sang isa ka restaurant sa siudad kag kaupod niya sa salakyan si Wilton Porcel, 42 anyos, kag anay cameraman sang ABS-CBN Bacolod kag iya 19 anyos nga hinablos nga si Mark Wiljohn Porcel.Suno sa suod nga abyan ni Porcel, gikan sila sa isa ka birthday party kag idul-ong kuntani pauli ni Flores si Porcel kag ang iya hinablos sa Barangay Banago.Base sa report sang traffic investigator sang Police Station 4, nakabunggo ang salakyan ni F...

BioPower photoIsa ka 22-bed facility ang gin-turn-over sa Corazon Locsin Montelibano Memorial Regional Hospital sini gid lamang.Ang ginpatukod nga Emerging Infectious Diseases (EID) Field Unit sang BioPower, ThomasLloyd kaupod ang St. Scholastica’s Bacolod Alumnae Foundation kag Negrense Volunteers for Change, ang naga tuyo nga madugangan ang bed capacity sang ospital sa paghatag sini sang in-patient care sa tunga sang nagasaka nga COVID-19 cases sa probinsya.Ang airconditioned facility nga napahamtang sa tupad sang main nga hospital building ang may nagakaigo man nga hulot para sa equipment kag medical worker facilities.“The Biopower Group continues to support our communities in managing this crisis. We believe the EID Facility will expand the Regional Hospital’s capacity in p...

BY MARTIAN MUYCOArmando Armas Jr. photoPilason ang pasahero sang tricycle matapos mabungguan sang truck nga may karga nga basiyo sang ilimnon sa Bangga Cory sakop sang Barangay Taculing sa Bacolod kaina sang aga.Suno kay Police Major Ramel Sarona, hepe sang Police Station 7, nagapondo ang tricycle sa tunga sang dalan samtang naga stop pa ang traffic light, kag ang truck nga nag right turn sa Circumferential road amo ang nakabunggo sa tricycle.Gina alegar sang driver sang truck suno kay Sarona nga nadulaan sang preno ang iya ginamaneho nga truck amo kun ngaa nabunggo ini sa tricycle.Magluwas sa tricycle, may duha man ka salakyan ang naigu sang truck pero gamay lang ang damage suno sa pulis.Wala man masamaran ang driver sang tricycle suno sa PNP.

BY MARTIAN MUYCOEscalante PNP photoPatay ang 33 anyos nga si Argie Bautista matapos tiruhon sang grupo sang mga armado nga persona sa iya sini nga balay sa Barangay Malasibog sa siudad sang Escalante sang Sabado.Si Bautista ang empleyado snag siudad kag driver sang patrol car sang Escalante PNP.Suno kay Police Major Gil John Despi, pamuno sang Escalante PNP, yara lang sa gwa sang ila balay si Bautista sang mag abot ang mga armado. Nagtinghua pa siya magsulod sa ila balay ugaling ginluthang siya sang grupo.May tatlo ka igu sang bala sa likod kag isa sa ulo ang biktima suno sa pulis.Si Despi nagsiling pa nga matapos ang pag paniro, ginkuha pa sang grupo ang bag ni Bautista nga wala pa mahibaluan kun ano ang unod.Ginabulubanta napulo ka mga persona nga fully ar...

BY MARTIAN MUYCOBCPO photoGinkumpirma sang traffic investigator nga si Police Master Sargeant Ben Tajonera nga nagtaliwan kaina sang aga si Patrolman Ivan Ray Dela Cruz nga isa sa mga pasahero sang nag bungguanay nga tricycle kagab-i sa Access Road sa Barangay Vista Alegre.Suno kay Tajonera, si Dela Cruz ang nagapungko sa front seat sang tricycle kag sang pagbungguanay, nalampos ang iya ulo sa salsalon nga parte sang tricycle nga amo ang posible gintunaan sang iya kamatayon.Si Tajonera nagsiling man nga ang tricycle nga ginasakyan sang pulis upod sang duha pa ka pasahero ang derecho lang ang dalagan kag ang isa ka tricycle amo ang nag agaw sang ila nga lane kag nag bunggo sa ila.Pareho nga gina bulong sa ospital ang duha pa ka babayi nga pasahero kag ang duha ka dri...

City Administrator Em Ang photoGinakabig ni Bacolod Emergency Operations Center Executive Director kag City Administrator Em Ang nga madinalag-on ang ginpatigayon nga surveillance swab testing sa mga market vendors sang siudad.Boluntaryo nga nagpaidalum sa swab testing ang 1,786 ka mga vendors gikan sa Central, Burgos, kag Libertad Market pati na sa Manokan Country kag mga manugbaligya bulak.Ini sa pihak sang ginpatigayon nga rally kag noise barrage sang grupo sang mga vendors nga nagapamatok sa amo nga tikang sang siudad.Suno kay Ang, wala sang dapat ikabalaka ang mga vendors bangud magahatag sang subsidy kag food packs ang siudad sa ila mga pamilya sa ti-on nga magpositibo sila sa COVID-19 kag dal-on sa quarantine facility.Gindugang pa ni Ang nga ang mga wala nakapasa...

BY MARTIAN MUYCOMarkharold Macuroy photoPilason si Patrolman Ivan Ray Dela Cruz matapos mabunggo sa isa ka tricycle ang iya gina sakyan man nga tricycle kagab-i sa Access Road sang Barangay Vista Alegre.Ang iya duha ka mga upod nga pasahero pati na ang duha ka tricycle driver ang pilason man.Yara sa pihak nga lane ang duha ka tricycle, gani suno kay Police Captain Eufracio Javines, pamuno sang Police Station 7, ila pa gina usisa kun paano nag bungguanay ang duha ka tricycle.Ginabulong karon sa ospital ang mga pilason.

BY MARTIAN MUYCONanaog na lang sa anum ang active cases sang COVID-19 sa bug-os nga Negros Oriental matapos maka recover ang apat ka mga nag positibo sa balatian.Sila ang pareho man tanan nga naka quarantine sa ila tagsa ka mga LGU.Ang mga aktibo nga kaso sang COVID-19 sa probinsya ang yara sa banwa sang Amlan, Pamplona, La Libertad, kag Bais City.Ang Dumaguete City nga capital city sang Negros Oriental ang masobra isa ka bulan na nga COVID-19 free.Suno kay Dr. Liland Estacion, ground commander sang Provincial IATF sang Negros Oriental, ang positivity rate sang probinsya ang yara sa .027 percent.Ini bangud nga sa 6,925 ka swab test sang mga suspected patient sa probinsya, 187 lang tanan ang nag positibo sa COVID-19.176 sa sini nga mga kaso ang naka recov...

BY MARTY GONagtipon ang mga market vendors sang tatlo ka mga dalagko nga merkado sa Bacolod City kaina sang aga (October 10) para magpaidalum sa mandatory surveillance testing sang siudad.Ginpatigayon ang surveillance testing sa Libertad, Burgos kag Central Market kag pati sa mga manokan kag flower vendors.Sandig sa executive order nga ginpagwa ni Bacolod Mayor Evelio Leonardia, indi makabaligya sa ila stall sa merkado ang mga vendors nga indi magpaidalum sa swab test.Bangud sini, ginsug-alaw sang rally kag noise barrage sang grupo sang mga vendors sa gwa sang Libertad Market ang surveillance testing.Ila ginapamatukan ang mandatory surveillance testing bangud nagapati sila nga makaapekto ini sa ila palangabuhian kag pati na sa ila pamilya ilabi na kun magpositibo si...