Balita Hiligaynon

Silay PNP photoNakalab-ot na sa Comission on Human Rights ang video nga gin post sang Silay City PNP kun sa diin ila gin pa parada sa dalan nga naga arms forward ang mga violators nga wala naga suksok sang face mask.Suno sa Commission on Human Rigjhts national office, ila ipa usisa sa CHR region 6 ang pag parada sa mga violators nga ila ginakabig nga indi maka tawo nga penalidad.Damlag pa ginpahayag sang hepe sang Silay PNP nga si Major Rollie Pondevilla ila regular nga gina pa parada humalin sa police station padulong sa plaza covered court ang mga violators bangud indi man sila pwede mag tingub sa police station ukon masakay nga tingub sa patrol car bangud indi masunod ang physical distancing.Ila gina pa arms forward ang mga violators agud mapabilin ang physical distancin...

Dugang nga impormasyon tuhoy sa gina alegar illegal quarry nga naga luntad sa probinisya ang nabatun ni Board Member Andrew Montelibiano, pamuno sang committee on envornment sang Sangguniang Panlalawigan.Suno kay Montelibano siya ang naka batun sang impormasyon sang gina alegar illegal quarry sa banwa sang Manapla kag iban nga bahin sa Third District.Ini ang tuyo niya nga kadtuan sini nga semana kun magtugot man lamang ang panahon.Damlag pa ginsiling na ni Montelibano nga gusto nila ma usisa ang quarry operationn sa probinsya ilabi na sa Third District kasunod sang nagluntad nga baha para mapa siguro nga ang pag operate sang sini nga mga quarry ang nasanto sa pagsulundan kag malikawan ang ano man nga sahi sang pagpanghalit pa sa palibot.Luyag man ni Montelibano nga may tech...

Border sang probinsya sang Negros Occidental sa Negros Oriental ang nagapabilin nga serado.Ini suno kay Negros Occidental Governor Eugenio Jose Lacson.Ini kasunod sang balita nga magabukas ang Mabinay kag Vallehermoso sa Negros Oriental.Suno kay Lacson wala pa nag lab-ot ang amo nga impormasyon sa iya.Sa text message ni Bimbo Miraflor ang information officer sang Negros Oriental, sa Digicast Negros iya ginsiling nga magabukas ang Vallehermoso kag Mabinay pero nagapabilin naman ang strict border control sang Negros Occidental.Suno kay Lacson sa iya nga ihibalo ang Negros Oriental nagapatuman man sang strict border control sa karon.Ini suno kay Negros Occidental Governor Eugenio Jose Lacson.Ini kasunod sang balita nga magabukas ang Mabinay kag Vallehermoso sa Negr...

Nakilal-an na kagab-i ang pedestrian nga nabunguan sang SUV sang Biyernes sang gab-i sa dalan sa gwa sang Manville Royale Subdivision sa Bacolod.Ang biktima nga kun tani ipalubong na lang sa PNP bangud sa duha ka adlaw nga wala may nag palapit nga pamilya pero sang kagab-i ginkadtuan ini sang iya pamilya kag positibo nga nakilala nga amo si Marvin Diosana, 38 anyos.Nagalakat lang sa kilid sang dalan sang Biyenrnes si Diosana sang mabunguan siya sang SUV.Posible wala siya makita sang driver suno sa pulis bangud sa madulom ang lugar kag wala sang pang ibabaw nga panapton ang lalaki suno sa pulis.

Himamaylan PNP photoPatay ang 50 anyos nga si Vicente Gayongala matapos tiruhon sang riding in tandem sang Sabado sa atubang lang sang Himamaylan Elementary School sa Dalan Rizal.Suno sa PNP, naga maneho sang tricycle ang biktima nga papuli na kun tani upod ang iya utod kag hinablos, sang hinali na lang siya banggaan sang riding in tandem kag gin tiro sang makapila ka beses.Gindala pasa ospital ang biktima pero wala na siya makaluwas.Napilasan man ang iya hinablos nga nasalabat sang bala.Narekober sa crime scene ang tatlo ka basiyo sang 45 caliber pistol.Ginpaidalom na sa Ballistic Examination ang bala kag kun bala pareho ini sa mga na recover man sa tinalikdan nga mga shooting incidents sa nasambit nga lugar.Ang biktima ang suno sa pulis isa ka high value indiv...

CIty PIO photoIsa ka dry run para sa COVID-19 vaccination ang ginpatigayon sang Bacolod Emergency Operations Center sa Barangay Villamonte sini nga hapon.Ini ang ginsuguran sa pag pick-up sang mga bakuna gikan sa central cold storage facility sang siudad kag pagdala sini sa vaccination area kun sa diin nagatipon na ang mga pagadapatan sang bakuna.Matapos mabakunahan gindala sila sa isa ka area kun sa diin iga-monitor ang persona sa sulod sang 30 tubtub 45 ka minutos antes pahanugutan nga makapauli.Pati ang disinfection sang lugar kag disposal sang infectious waste ang nangin kabahin man sang dry run nga gin updan sang city health office, mga barangay health workers kag medical personnel.Ginaduso sang gintukod nga vaccination council ang pag designate sang lima ka mega v...

Anay Silay City Mayor Jose Oti Montelibano kag 25 ka iban pa ang na-acquit sa kaso kriminal nga ginpasaka batuk sa ila may kaangtanan sa computerization sang sistema sa Silay City sadtong 2008.Ini nga bagay ang gin abi abi ni Montelibano. Kasubong sang daw nahaw-asan siya suno sa iya gikan sa akusasyon kag harasment nga natabo.Vindication naman para kay Atty Kara Aimee Quevenco ang nangin acquital sang Second Divsion sang Sandiganbayan sa kaso batuk sa ila, nga ginpatigayon via online. Si Quevenco sadto anay ang City Legal Officer kag pamuno sang Bids and Awards Commitee sang Silay.Ilakip kay Montelibano, kag iban pa gid nga elected officials, 28 tanan tanan ang ginpasakaan sang kaso administratibo kag kriminal nanday Lyndi Chan kag Jojo Sumiller sadtong 2009 sang ginpatuman sa...

City PIO photoGinsuguran na sang Department of Public Works and Highways ang pag construct sang dugang nga 32 ka mga COVID-19 isolation rooms sa Barangay Alijis sa Bacolod City.Ini ang dugang sa 32 ka mga isolation rooms nga nahuman na sang dpwh sang nagligad nga tuig sa amo man nga lugar.Ang kada kwarto ang may yara sang kaugalingon nga aircon kag comfort room.May yara man ini sang nurses station, utility room, medical staff quarters, sanitation area kag standby generators.Suno kay Bacolod Councilor Renecito Novero, ginahulat pa sa karon ang transformer nga ginbakal sang siudad para mahatagan sang kaugalingon nga power supply ang bilog nga quarantine facility.Pero iya ginsiling nga mahimo na ini subong magamit kun kinahanglan gid bangud may yara man ini sang genera...

Courtesy of Silay PNPMakita sa video nga gin post sang Silay PNP nga ang mga residente sang siudad ang naga lakat sa dalan nga naga arms forward, ala zombie, samtang sila ang naga sunod sa naga dalagan nga patrol car sang PNP.Ini nga mga residente ang gindakop sang kapulisan bangud sang pag lapas sang City Ordinance Number 3 Series of 2020 ukon ang indi pagsuksok sang facemask.Matapos sang pag panglakaton.. sila ang nag atubang naman sa isa ka lungon sa sulod sang gym sang siudad. Gin pahayag ni Police Major Rolly Pondevilla, hepe sang Silay PNP, nga ini ang ila gina himo para mag serbe nga leksyon sa mga violators.iImbes abi nga kasuhan, bilang first offense ginpakamaayo sang pnp nga i seminar na lang sila angut sa importansya sang pag sunod sang minimum health standards. ...

Joshua Ibanez photoGindala kahapon sa Police Station 1 ang isa ka lalaki nga gina alegar naga pang scam sang online sellers matapos makilal-an siya sang gwardiya sang isa ka establisimento komersyal.Ginpasa pasahan sa social media ang litrato sang lalaki nga gina siling naga pang scam paagi sa pag pakuno kuno nga mabakal sang unit sang cellphone nga iya man ginpalagyo kun iya na makuha.Pero sang pag abot sa Police Station 1, wala man ma detain ang lalaki bangud suno sa station commander nga si Police Major Ramel Sarona, wala sila sang may nabaton nga formal complaint.Ila gin release ang lalaki pero si Sarona nag siling nga kun mag file sang complaint ang iya nga nabiktima, ila man ipasaka ang kaso batuk sa gina alegar scammer.