Balita Hiligaynon

Richmond De Asis photoPatay ang naga ang kasanay sa motor nga nurse kag manunudlo matapos nga matumba ang ila motor kag malapakan sang truck sa highway sang Barangay Caduhaan sa Cadiz City.Ang naga dala sang motorsiklo amo si John Paul Ladrillo nga isa ka nurse kag iya nga angkas amo si John Eurich Depasupil nga isa ka maestro.Suno sa traffic investigator nga si Police Corporal Dindo Ebag, naga dalagan sa pareho nga lane ang motorsiklo kag ang truck.Ugaling sang pag lab-ot sa bahin sang dalan nga ginakay-o, natumba ang motor sa unahan ka truck. Suno sa pulis natumba ini bangud sang gulpi nga pag liko.Nag tabog ang motor kag natumba ang duha ka biktima, kabangdanan kun ngaa nalapakan sila sang truck nga nagadalagan.Ini ang nag resulta sang ila kamatayon.Detained ...

Ginsugdan sang Barangay Tangub sa Ramylu Drive ang ika duha nga hugna sang clearing operation nga ginmando sang Department of the Interior ang Local Government.Antes pa man personal nga ginbisita sang mga opisyales sang barangay sa pagpamuno ni OIC-Punong Barangay Luz Atienza kaina sang aga ang mga baligyaan nga gin-identify nga nagalaksam sa ginakabig government property, ginpadal-an na sila sang barangay sang sulat nga nagahatag sa ila sang lima ka adlaw para manghimos sa ila nga mga istruktura nga nagalaksam sang dalan ukon drainage sang barangay.Walo ka mga baligyaan ang una nga ginhatagan sang sulat.Pila sa mga ginpahimos amo ang mga lamesa sang mga manugbaligya nga naglapaw na sa damlag pa gintugot sa ila nga distansya.Suno sa presidente sang Tangub Market Vendors Assocat...

Arestado ang duha ka mga persona matapos ma aktuhan sang army nga may dala nga armas sa Barangay Buenavista sa Himamaylan City, Miyerkules sang aga.Ang mga gindakop amo sanday Joenefer Hermino kag Glenn De Baguio nga lunsay mga mangunguma.Sila ang suno sa army mga miyembro sang Sentro de Gravidad Platoon sang New People's Army.Sandig sa report sang Himamaylan PNP, ang tropa sang 94th Infantry Battalion ang ntaga patigayon sang combat operation sang ila nakita ang duha nga naga bitbit sang armas.Nag tingua pa kun tani mag palagyo ang duha pero sila ang nadakpan sang mga army.Gilayon sila gin dala sa Himamaylan PNP kag gin turn over man ang mga recoveries.Nakuha sa duha ang isa ka hand grenade, duha ka improvised shotgun, kag madamo nga mga bala.Detained na karon ...

BCPO photoArestado ang 22 anyos nga si July Hilado sang madakpan matapos niya gin kawat ang 12 gauge shotgun sang isa ka gwardiya sa warehouse sa Barangay Singcang Airport kahapon sang kaagahon.Suno kay Police Captain Jun Ray Batadlan, commander sang Police Station 8, alas dos sang kaagahon sang gin kuha ni Hilado ang armas ni Security Guard Warlito Perocho sang magpangihi ini.Pero suno kay Batadlan naabtan pa ni Perocho ang suspek gani nag agaway la sila sang shotgun.Ugaling nakuha ini sang suspek kag hana pa gintiro ang gwardiya pero wala naglupok.Nagpangayo sang tabang ang gwardiya sa mga katupad nga warehouse kag tigayon man nadakop si Hilado nga ginkastigo pa.Kaso nga robbery kag grave threat ang ipasaka subong nga adlaw sa iya.

Ginpahayag sang Station Commander sang Police Station 2 nga si Captain Leo Estopa nga tubtob karon, wala pa sila sang may naka padulong sa ila talatapan agud mag file sang blotter report angut sa gina alegar abduction nga natabo kagab-i sa 19th Lacson Street sa Bacolod.Suno kay Estopa, bisan pa wala sang pormal nga reklamo, ila man kagab-i nga ginkadtuan ang lugar kun sa diin natabo ang ginag alegar abduction kag gin usisa ang saksi.Ang gwardiya suno sa pulis nag siling nga iya nakita nga ginpanaugan ang isa ka babayi pero sila ang naka istoryahanay pa antes siya ginpwersa pasakay sa isa ka SUV sa bulig sang isa pa ka persona.Pero si Estopa nagsiling nga ini tanan ang alegasyon lang kay man wala man sila makabaton pormal nga reklamo kag wala man sang may naka report sa mga poli...

PDEA photoGindakop sa buybust operation kahapon si Jess Mark Mananquil nga isa ka Administrative Assistant II sang Department of Education sa banwa sang Bindoy sa Negros Oriental.Sa National Highway sa Brgy. Domolog sa Bindoy gin patigayon ang buybust sa pagpanguna sang Philippine Drug Enforcement Agency.Nakuha kay Mananquil ang lima ka sachet sang ginapatihan shabu nga ginabulubanta nagabalor sang P20,400.Si Mananquil nga ginakabig man sang PDEA nga isa ka high value target ang detained na kag kaso nga pagsupak sa RA 9165 ang ipasaka batuk sa iya.

Humalin sang bulan sang Oktubre suno sa negosyante nga si Ramon Uberas, tayuyon ang pagsaka sa presyo sang baboy bisan pa ang sa baka.Ang baligyaanay sa Burgos Market suno kay Uberas 230 ang baboy 300 pesos nman ang kilo sang baka.Nagsugod ang saka sa presyo sang baboy sumugod sang nag supply ang probinsya sang live ukon buhi nga baboy sa Luzon.Suno kay uberas naga pabilin nga pigaado ang baligyaanay, manubo suno sa iya ang buying power sang konsumedor.Dugang pa niya ang ila nga benta mga singkwenta por siento ang ginnubo.Paaathag ni Dr. Renante decena, ang provincial veterinarian, tungod sang pagtaas sang demand gikan sa Luzon, nagsaka ang liveweight sang baboy rason nga apektado man ang retail price karon.Pero ang presyo sang baboy sa probinsya 88 sentimos ang ave...

Bago PNP photoPatay ang maglive-in partner nga sanday Myrone Eslais kag Debbie Joy Leganada matapos makabunggo ang ila motorsiklo kagabi sa isa ka tricycle sa National Highway sang Barangay Maao sa Bago City.Suno kay Police Chief Master Sargeant Celso Omega, deputy sang Bago City PNP, papuli na kuntani ang maglive-in partner sa La Carlota gikan Bacolod kun sa diin sila naga trabaho, sang maglapaw sa pihak nga lane ang ila nga motor pag lab-ot sa kurbada nga bahin sang dalan.Ang ila paglapaw sa lane ang nagresulta sang pagkabunggo sang motor sa naga dalagan man nga tricycle sa pihak nga lane.Bangud sang makusog nga impact, pareho nga nag agum sang pilas sa ulo sanday Eslais kag Legalada nga nagreulta sang ila kamatayon.Kritikal ang kondisyon sang driver sang tricycle nga...

Konseho sang Bacolod ang nagpasar sang resolusyon nga nagahinyo sa alkalde nga tun-an ang posibilidad sa paggamit sang available nga pondo sang siudad para sa pagpatukod sang kaugalingon sini nga ospital.Nangin mainit ang pagtalakay sang mga katapo sang Sangguniang Panlungsod sa ila virtual session kahapon sa resolusyon nga gin-propose ni Councilor Wilson Gamboa Jr. nga nagahinyo kay Bacolod Mayor Evelio Leonardia nga gamiton ang available credit line sang siudad sa bangko sa pagpatukod sang ospital.Ini bangud ang Corazon Locsin Montelibano Memorial Regional Hospital lamang karon ang naga isahanon nga public hospital nga ginakadtuan sang mga pumuluyo sang Bacolod.Pero ginpahayag sang iban nga mga konsehal nga indi na mahimo nga tandugon ang credit line sang siudad sa mga bangko...

52 ka police officers gin dugang sa pwersa sang Negros Occidental Police provincial Office bilang nga contact tracers.Ang 52 ka mga pulis ang mga patrolman nga nag tapos sang ila nga Basic Internal Security Operations course.Sila ang gin deploy na sa nagkalain lain nga mga police stations sa probinsya para mag buling sa contact tracing.174 na tanan ang kabilugan nga COVID-19 contact tracers sang NOCPPO sa probinsya.Samtang nagabilin naman nga 5 ang active COVID-19 case sang NOCPPO.Sila ang yara sa gihapon sa quarantine facility. Ang 31 ka iban pa ang nag ayo na.