Balita Hiligaynon

Bagyo nga si Auring ang nangin isa na ka Tropical Storm.Negros Occidental napaidalom na sa heightened alert pero mahimo nga ipasaka ini sa blue alert status.Maulanon nga panahon ang ginapaabot sa masunod nga mga inadlaw tubtub sa weekend.Base sa Severe Weather Bulletin Number 3 sang PAGASA, las otso kaina sang aga nangin isa ka tropical storm si Auring kag ginapaabot pa gid nga magbaskug samtang nagapalapit sa land mass.Mahinay ini nga nagapadulong sa Northwestward nga direksyon ang bagyo nga may maximum sustained winds nga 65 kilometers per hour malapit sa sentro kag may pagmadlos nga tubtub sa 80 kilometers per hour.Ginapaabot nga mangin maulanon ang panahon sa bug-os nga Visayas kag Mindanao gani ginapaandaman sang PAGASA ang publiko nga mag ulu-aligmat sa mahimo pag...

Pagpatuman sang probinsya sang swabbing kag quarantine sa mga naga abot sa puerto kag airport ang daku nga bulig sa sa kampanya kontra COVID-19.Sa datus sang Provincial Incident Management Team humalin Pebrero onse tubtob desi sais, sa mga nag abot sa puerto may 14 ka mga nag positibo sa virus. 13 diri mga stranded individual kag isa ang APOR.Sa mga nag abot sa airport naman sa kasubong nga tiun, anum ang nagpositibo isa diri APOR, lima ang LSI.Paathag ni Caelian sa amo nga datus, daku ang bulig sa ginapaatuman nga SOP sang probinsya kun sa diin ang mga naga abot ang gina swab kag quarantine.Wala labot nga malikawan na ang posible pag pang laton pa sang mga nag positibo bangud sila ang naka quarantine na nga daan humalin sa pag abot, daku ang mangin savings man sang probins...

Amat-amat na nga ginsugdan na ang pagpatuman sang BaCTrac sa mga pampubliko nga baligyaan sa Bacolod.Sa Burgos Public Market, sa kada entrance may yara sa team nga naga bantay sa pagpasiguro nga ang mga naga sulod maka log.Paathag sang isa sa naga bantay naga gamit na sila sang BaCTrac app ugaling sa amo nga tion na lowbat ang cellphone nga gina gamit sa pag scan.Lakip na diri ang pag kuha sang temperatura sang tagsa ka mga naga sulod nga nagalakip sang manugbakal kag mga naga baligya.Paathaag ni Em Ang, city administrator sang Bacolod, may kakulang pa sa personnel kag device para lubos nga mapatuman ini sa mga merkado.

Bacolod DRRM file photoMga returning overseas Filipino nga magapauli sa Bacolod City ang ginapahanumdum nga magkuha sang notice of coordination sa lokal nga pangulohan.Ginpahayag ni Councilor Israel Salanga nga may yara sang mga airlines nga ginapangitaan ang ila mga pasahero sang notice of coordination gikan sa LGU.Ini ang rason kun ngaa kinahanglan nga magpakig angut sa talatapan ni Salanga ukon ni Councilor Cindy Rojas ang mga ROF agud mahatagan sang NOC.Samtang, indi na kinahanglan pa nga magkuha sang NOC ang mga overseas Filipino workers nga magapauli sa Bacolod bangud ang Overseas Workers Welfare Administration na ang nagapasakay sa ila sa sweeper flights papauli sa ila Negros.Sa idalum sang guidelines sang Bacolod Emergency Operations Center, ang NOC ang isa lama...

May mga coffee shop kag may mga resort nga naga hulat na lang sa karon sang business permit para maka balik ang operation sa Barangay Patag sa Silay City. Pero iban sa ila indi mapasugtan balik sang Community Environment and Natural Resources OfficeNatagaan sang Special Usage Agreement in Protected Areas sang Protected Area Management Board ang pila ka mga kapehan kag resort sa Barangay Patag sa Silay para maka operate.Pero may iban nga wala ginpasugtan bangud nga yara sa landslide kag flood prone areas nahamtang.Suno sa Community Environment and Natural Resources Officer Engineer Joan Nathaniel Gerangaya indi pwede mabutang sa risgo ang kabuhi sang mga naga negosyo kag sang turista.Dugang pa niya, ang mga natagaan sang sapa sang PAMB ang kinahanglan na lang nga mag kuha sa...

BCPO photoPatay ang motorcycle rider nga si Joseph Ordeneza matapos mag suhot kagab-i ang iya gina dala nga motorsiklo sa isa ka firetruck sa Lacson Extension sa bahin sang Barangay Singcang-Airport.Sa imbestigasyon sang Police Station 8, naga biyahe sa separado nga lane ang firetruck kag motor sang hinali na lang madanlog sa dalan ang motorsiklo ni Ordeneza kag nag rekta ini suhot sa firetruck.Dead on the spot si Ordeneza. Gin detain naman sa Police Station ang driver sang firetruck.Samtang, patay man ang 34 anyos nga si Jose Ronnie Ruel Junior matapos maka bunggo Martes sang gab-i sa gutter ang iya gina dala nga tricycle sa bahin sang Granada-Alangilan Road sa Barangay Granada.Suno kay Police Lieutenant Melchor Tolentino, hepe sang Police Station 5, papauli na kun tan...

Escalante PNP photoIsa ka bangkay ang nasapwan Martes sang hapon sa kilis sang suba sa Barangay Langub sa siudad sang Escalante.Ang napatay ang ginkilala nga si Raymart Moso, 23 anyos.Sa imbestigasyon sang Escalante PNP, sang Dominggo pa ulihi nakita ang biktima.Siya ang nagtabok sa suba suno sa pulis sa suba padulong kun tani sa balay sang iya himata para mag pabalo nga naga saka na ang tubig bangud sang ulan.Wala na makapauli pa si Moso kag posible nalumos ini suno sa pulis bangud sang makusog nga current sa suba.

Validation sang Department of Interior and Local Government sa road clearing operations nga ginhimo sa siudad sang Bacolod ang nagsugod na.Naglibot sa siudad ang mga katapo sang DILG para lantawon ang ginhimo nga pagpanghawan sang kilid sang dalan sa nagkalain-lain nga mga barangay.Makit-an nga wala na sang naga park nga mga salakyan sa kilid sang dalan kag ginpangkuha naman ang mga illegal structures sa dalan nga makabig nga public nuisance.Magapadyon ang validation sang DILG tubtub sa Marso dos.Ang regional office sang DILG ang magapatigayon man sang ila kaugalingon nga validation para masiguro nga naga santo ang accomplishment report nga ginhatag sa ila sang mga barangay kag ang aktwal nga ginhimo nga pagpanghawan sa tagsa nila ka mga lugar.Ginpahayag naman sang pamu...

Sumugod Marso uno paga tugutan na ang pagsulod sang mga residente sang Mabinay sa Negros Oriental sa Kabankalan City.Ini ang ginkasugtan na suno kay Negros Occidental Governor Eugenio Jose Lacson nga natalana man mag pa gwa sang executive order para diri.Suno kay Lacson mga residente lamang sang Mabinay sakay sa mga pribado nga salakyan ang pagatugutan makasulod sa kabankalan kag sa sulod lang sang dose oras ang ila nga pagtenir kag tubtob gid lamang sila sa Kabankalan.Sa bahin sang Mabinay suno sa gobernador ang ila nga mga residente nga maglapaw sa 24 oras humalin sa ila nga pagbiya sa banwa ang ipaidalom sa quarantine.Suno kay Lacson ang kasugtanan na base sa kinahanglanon sang pumuluyo may angut sa ila nga mga transaction kag medical needs.Binulan naman nga bukas an...