PNP indi pa mapat-od kun bala iligal nga droga ang motibo sa pag patay sa duha ka persona sa Barangay 2 bisan pa may nakuha nga shabu sa salakyan.
Suno abi kay Police Station 2 commander, Captain Paul Vincent Pendon, wala man may naga gwa nga may previous cases ang mga napatay nga sanday Dexter Bryan Ursos kag Fernando Mahipos.
Wala man sila sa drugs wathclist sang mga police stations. Gani suno kay pendon, wala pa gid tubtob karon sila makahibalo kun ano ang motibo sa pag patay sa mga biktima.
Martes sang gab-i sang gin luthang sanday ursos kag mahipos samtang yara sila sa sulod sang salakyan sa bahin sang Bredco port sa Purok Lampirong, Barangay Dos.
Ila pa upod ang menor de edad nga anak ni mahipos nga nakaluwas sa pag paniro. Nakuha sa crime scene ang isa ka sachet sang shabu kag drug paraphernalia. Ang menor de edad nga nakaluwas ang karon gin kuha naman sang iya iloy gikan sa Balay Pasilongan sang DSSD.