50% discount sa presyo sang produkto petrolyo: may nalipay, may nag init ang ulo!
https://www.youtube.com/watch?v=G-51Un2s_LI
Balita Hiligaynon
Mayor Alonso ginpangabay ang mga resort owners sa Pontevedra nga indi pagpasugtan ang pagdagsa sang tawo sa Enero uno
Ginmeeting ni Pontevedra Mayor Jose Maria Alonso ang mga beach resort owners sa banwa para ayuon nga limitahan lang anay ang mga tawo nga pasudlon sa mga beach resort.Kinaangdan na abe sang ila nga mga pumuluyo pati na sang mga kaiping nga mga banwa kag siudad nga magpadulong sa baybay kada Enero uno. Suno sa alkalde, indi dapat pagkalipatan nga may COVID-19 pa sa gihapon nga balatian.Dugang pa niya bisan indi na amo sina kadamo ang kaso sang COVID-19 sa ila nga banwa indi sa gihapon dapat nga magkumpyansa. Pati ang mga department heads nila ang ginpatambong man sa meeting nga ginpatawag.Samtang ang PNP ang masako naman sa pag paandam sa publiko nga indi lang mag gamit sang mga palupok sa pag sug-alaw sang bag-ong tuig.Wala sang fire cracker related incident ang pontevedra ...
EOC naga pangabay sa publiko nga indi lang anay mag patigayon sang Christmas reunion
https://www.youtube.com/watch?v=d4acdGF0jpoBacolod Emergency Operations Center ang nagapahanumdum sa publiko nga apesar sang suspension sang curfew sa bisperas sang paskwa kag bag-ong tuig ginadumili-an sa gihapon ang paghiwat sang parties ukon family reunion.Samtang, ginahulat na lang nga maaprubahan sang alkalde ang ginpasar nga unified travel guidelines sang EOC.Iga-suspend ang curfew sa siudad humalin las onse sang gab-i sang Disyembre 24 tubtub las tres sang aga sang Disyembre 25 kag kasubong man sa Disyembre 31 tubtub Enero uno.Pero suno sa deputy for medical sang Bacolod EOC nga si Dr. Chris Sorongon, indi ini dapat rason sa paghiwat sang party ukon grand family reunion bangud ginadumili-an pa ini sa gihapon sang siudad bisan pa nga manubo na ang mga bag-o nga kaso ...
Prayoridad sang BTAO ang national roads padulong sa mga mall
Prayoridad sa deployment sang mga traffic enforcers ang mga national road kag primary roads.Ini suno kay Lt. Col. Luisito Acebuche ang pamuno sang Bacolod Traffic Authority Office.Ang pag guot sang trapiko karon tuga sang holiday rush suno sa iya kag gina paabot nga tubtob na ini sa Disyembre 31.Nalakip man sa mga dalan nga hatagan sang prayoridad ang mga dalan padulong kag palibot sa mga malls.Ang dugang nga pag guot sang trapiko kahapon ang tuga man sang promo nga ginpatuman saang isa ka oil company kag suno kaay Acebuche ginapangayuaan na nilla sang paathag ang kumpanya kun ngaa wala saang may natabo nga coordination sa traffic ang pagpatumaan sang amo nga promo.Ang pag guot sang trapiko sa holidays kinaandan na suno kay Acebuche gani naga abiso siya sa mga motorista...
Mga ospital naka white alert na
Mga ospital sa karon na ang paaidalom na sa white alert.Suno kay OIC City Health Officer Dr. Edwin Miraflor Jr., ang mando sang Department of Health sa pagpaidalom sa mga ospital sa white alert ang nagsugod kahapon kag tubtob ini sa Enero cinco.Nagakasayuran nga ang mga hospital personnel nakahanda sa ano man nga sitwasyon tuga sa holiday celebration.Nagdagsa man ang pag pinauli sa tagsa ka mga banwa kag siudad kag ginapaabot ang pagsaka sang COVID-19 cases, suno kay Miraflor kabahin na ini sa ginahandaan sang siudad sang Bacolod.May 89 active cases sa karon ang bacolod kag may nagakaigo nga mga hulot sa ospital.Pero suno sa iya, ginapaabot man ang pagsaka sang kaso wala sila naga untat sa kampanya sa pagsunod sa health protocols sa tinutuyo nga malikawan ang amo nga si...
PNP: May kaangtanan sa trabaho ang motibo ukon ginpatay sang NPA ang ila nga kaupod
https://www.youtube.com/watch?v=3zc_Ze3HBq0Naga execrice sa reclamation area sang Pontevedra sanday Mayor Jose Maria Alonso kaupod ang iban pa nga mga pumuluyo sang hinali na lang nga gintiro sang lalaki nga naka facemask kag naga suksok sang hood sang jacket si Staff Sergeant Ildefonso casugod mga las sais sang aga kahapon.Nakibot na lang ang alkalde sang makabati sang lupok.Ang pulis lang ang tuyo sang gunman nga nag angkas sa motorsiklo nga naga hulat sa iya kag nagpalagyo.Ginmando na sang alkalde ang madasig nga imbestigasyon kag pag hatag sang hustisya sa pulis nga tumandok man sang banwa.Suno sa hepe sang Pontevedra PNP nga si Capt. Hancel Lumandaz, may kaangtanan sa iya trabaho ang isa sa mga anggulo nga ila gina lantaw kay intelligence officer ang biktima.P...
Negosyante sa Christmas bazar sa plaza nag siling nga tuman ka pigaw sang negosyo
Tatlo ka adlaw antes sang paskwa mga negosyante sa Christmas bazar sa plaza nag siling nga tuman ka pigaw sang negosyoHaluson may naga bakal sa mga baligya sang mga negosyante sa tabok sang San Sebastian Cathedral.Suno sa mga negosyante ililisipon lang gid ang customer nga naga bakal sang ila nga mga produkto.Bisan pa Dominggo nga adlaw kag may misa ililisipon sa gihapon ang ila nga mga customer.Suno sa mga vendors mabatyagan pa sa gihapon ang kakulba sang mga tawo nga mag gwa kag ang kapuraot sang kalabanan.Sa naga pabilin nga inadlaw sang tuig naga laom pa sila nga makabawi pa sila.
Healthcare workers kabahin sa mga bag-o nga kaso sang COVID-19 sa Negros Oriental
Nadugangan na naman ang mga healthcare workers nga nag positibo sa COVID-19 sa siudad sang Dumaguete.Sa bag-o nga datos sang Negros Oriental, may duha naman ka doktor nga nag positibo sa virus, isa ka midwife, isa ka radiologic technologist kag isa ka healthworker.Sila ang mga naga trabaho sa hospital sa Dumaguete.May staff man sang Negros Oriental Provincial Hospital Molecular Laboratory nga nag positibo sa COVID-19 kabangdanan nga gin closed anay sa karon ang laboratory.Siyam tanan ang dugang nga kaso sang COVID-19 sa Negros Oriental kag yara na sa 111 ang total active cases sang COVID-19 sa probinsya.
Jail officer sa Dumaguete patay bangud sa COVID-19
Nag lab-ot na sa 25 ang napatay bangud sang COVID-19 sa Negros Oriental.Pinaka ulihi nga napatay ang isa ka jail officer nga taga Dumaguete City.May walo man ka bag-o nga kaso sang COVID-19 sa probinsya.Kabahin diri ang duha ka nurse kag isa ka doktor nga naga trabaho sa ospital sa Dumaguete.823 tanan na ang total COVID-19 cases sa Negros Oriental kag 107 diri ang active cases.
Mayor Bing naga paandam sa publiko nga indi anay mangin kampante sini nga holiday season
Padayon ang pagnubo sang mga kaso sang COVID-19 sa Bacolod City pero nagapahanumdum ang loka nga pangulohan nga indi mangin kampante ilabi na sa pagsaulog sang paskwa kag bag-ong tuig.Suno kay Bacolod Mayor Evelio Leonardia, magluwas sa manubo nga mga bag-o nga kaso sang COVID-19 kada adlaw, manubo man ang hospitalization rate sa karon sa Bacolod kag pati na ang mga active cases.Ini ang kabangdanan kun ngaa ginsuspend niya ang curfew sa siudad humalin las onse sang gab-i bwas nga adlaw tubtub las tres sang aga sa Disyembre 25.Suspendido man ang curfew sa amo nga mga inoras sa Disyembre 30 kag 31.Nagapahanumdum si Leonardia nga magsuksuk sa gihapon sang face mask, face shield kag magsunod sa physical distancing kun magwa sa panimalay.Ginapangabay man ang mga kabataan kag...