Balita Hiligaynon

Work from home ang mga taga gobyerno Miyerkules sang aga kag wala na sang trabaho sa hapon gani sang udto nag amat amat na dagsa ang mga pasahero sa bus terminal.May report si Richard Caballero.*

Gin surprise sang Land Transportation Office Negros Island Region ang mga drayber Miyerkules sang aga sa ila nga Oplan Harabas.Gin drug test ang mga drivers sa may Bacolod North Jeep Terminal. Ini ang pamaagi sang LTO kaupod ang PDEA, PNP kag HPG nga mapasiguro ang safety sang mga motorista kag pasahero sini nga Semana Santa.May kapin sa 200 ka mga drivers ang gin drug test kag sa inisyal nga resulta, may apat ka mga truck drivers ang nag positibo.Suno sa OIC Regional Director sang LTO-NIR nga si Jack Conlu, kutob sa mga nag positibo nga mga drayber sarang nga ma kasuhan kag ma revoke ang lisensya sang mga drayber kun mag positibo pa gid sa confirmatory test.Ini ang pamaagi para masiguro nga wala sang drayber nga yara sa impluwensya sang iligal nga droga samtang nagadala sa...

Natiruhan kag napatay sang negosyante ang isa ka tambay sa corner Mabini-Rosario streets sa Barangay 33, Bacolod City, Martes sang kaagahon.Nakaangkon sang mga igo sang bala sa lawas ang biktima nga si alyas “Joevic” kag patay na sang mag abot sa ospital.Ginsiling ni Police Capt. Peter John Ramos, hepe sang Station 6, ginsita sang suspek nga si alyas “Bong Bong” ang mga tambay bangud masami nga nagakadulaan sang mga gamit ang iya prutasan.Nagsabat si “Joevic” kag didto na sila nagkamog tubtob nga natiruhan sang negosyante ang biktima.At large ang suspek apang siya ang magapangatubang sang kaso nga murder, suno kay Ramos.Duha ka empty shells sang caliber .45 pistol ang narekober sa crime scene.*

Gin-mobilize sang Police Regional Office-Negros Island Region ang masobra isa ka libo nga police personnel sa bilog nga rehiyon agud pabaskugon ang seguridad sa pagsugod sang Semana Santa.Iga-augment ang mga pulis, sang personnel gikan sa Bureau of Fire Protection, Armed Forces of the Philippines, Philippine Coast Guard, Airport Police kag iban pa nga uniformed services.Sa mga high-priority areas iga-deploy ang mga pulis, lakip na sa mga simbahan, major thoroughfares, terminal, puerto, malls, public market, sa mga baybay, resorts kag pila ka tourist destination sa Negros.Suno sa PRO-NIR, isa ini ka multi-agency kag coordinated approach agud mas mangin visible kag mas madali ang pag-responde sang mga pulis enkaso may matabo nga mga untoward incidents.*

Base sa paglibot sang fuel price monitoring sang Bacolod, wala sang may nagsira nga gas station sa siudad.Ginsiling ni Atty. Mark Steven Mayo, Bacolod City Administrator, nga kun basehan ang amo sini nga mga hitabo, makit-an nga may ara gid man kakulang sa suplay sang gatong sa Bacolod City. Apang suno sa iya, ang Department of Energy lamang ang makasiling kon may fuel shortage gid man sa pungsod.Paathag niya, wala sila may na-record nga gasoline station sa siudad nga nagsirado na, apang ang iban nagapanirado kon kis-a bangud sold out na ang ila nga mga produkto sa amo nga adlaw.Sandig sa record sang Business Permits and License Office sang siudad, may ara sang 151 ka mga gasolinahan ang nagapadayon ang operasyon sa Bacolod City. Ini ang padayon man nga gina-monitor sang duha k...

Economic Enterprise Development Department sang Negros Occidental nalapawan ang 2025 nga income target sini.Gin pahayag ni Provincial Administrator Rayfrando Diaz nga amo man ang naga pamuno sang EEDD sa karon, nga gin kumpirma mismo sang Provincial Treasurer’s Office nga nangin 109 percent ang rating sang EEDD sa iya sini nga income target sa 2025.Dugang pa ni Diaz sang 2023 kag 2024 nalapawan man sang EEDD ang income targets nga gin set ni Governor Eugenio Jose Lacson.Tigayon na ka contribute ang EEDD sang masobra sa 40 percent sang local sourced income sang Negros Occidental suno kay Diaz.Nalakip sa operating enterprises sang EEDD ang CyberCentre, Negros Residences, Food Terminal Market of Occidental Negros, Mambukal Resort and Wildlife Sanctuary and Catering Services.*...

Regional Disaster Risk Reduction Management Council ang naka red alert man para sa Semana Santa.Suno kay Donato Sermeno, III, ang Office of the Civil Defense Director kasubong man ang pamuno sang RDRRMC, naka red alert naman gid nga daan sila bangud sang sitwasyon sang bulkan Kanlaon, pero nalakip man sa ila nga maid-id nga monitoring karon nga pagdumdom sang Semana Santa.Sila ang naga pakig-angut na sa tagsa ka local government unit nga amo ang naga deploy sang ila tagsa ka mga teams sa pagpasiguro sang malinong kag matawhay nga Holy Week.Angut sa State of Energy Emergency sang pungsod naga patuman man ang OCD sang pagkinot sa produkto petrolyo kag enerhiya.Samtang, suno kay Sermeno, upod sa ila nga pahanumdom sa publiko ang paghalong sa mainit nga panahon.“Monitoring ...

Nagapanawagan ang Bacolod City Police Office sa mga nabiktima sang hold-up nga mag-report sa kapulisan agud maaksyonan.Suno kay BCPO Officer-In-Charge Police Colonel Eugene Rebadomia nga sandig sa ila cyber monitoring, madamo sang mga naga-post sa Facebook nga nabiktima sila sang hold-up pero wala man na report sa police stations.Ginhaylo ni Rebadomia ang publiko nga kun mangin biktima sang hold-up, magtawag gilayon sa 911 agud ma respondehan sang kapulisan.Panawagan man sini nga sa tion sang kriminalidad, unahon anay nga tawgan ang kapulisan antes mag post sa Facebook.Suno sa iya, indi makaresponde kag maimbestigaran sang BCPO ang mga kaso nga wala man napa blotter ukon na report sa bisan diin nga police station sa siudad.May nakit-an nga pagnubo sa kaso sang robbery k...

Nagsaka sa atop sang ila balay ang 45-anyos nga tricycle driver agud kuntani kuhaon ang hilo sa ilaga apang siya ang nakuryente mga las 6:40 sang hapon, Martes, sa Purok Mabinuligon, Barangay Maricalum sa Sipalay City.Nag-gwa sa imbestigasyon nga natandog ni alyas “Jiel” ang live wire nga naka-angot sa poste sang Negros Occidental Electric Cooperative.Gindala sa Sipalay Infirmary Care Unit ang lalaki kag siya ang gin-refer sa ospital sa Bacolod City.*