Final Testing and Sealing sang mga automated counting machines sa Negros Occidental ang ginpatigayon subong nga adlaw.Mga minor nga problema suno sa COMELEC ang nasugata pero go na ang tanan para sa eleksyon.May report si Barbara Mijares.https://youtu.be/1eT_m78Z5gE
https://youtu.be/-WF0rTrmHH4Bise Alkalde sang banwa sang Moises Padilla ang nag file sang reklamo nga electioneering batuk sa isa ka manunudlo nga naga serbe nga chairperson sang electoral board.Kahapon, Mayo 6, nag-file sang reklamo sa Office of the Provincial Elections Supervisor - Negros Occidental si Vice Mayor Adrian “Ian” Villaflor batuk sa isa ka manundulo sang Magallon Cadre Elementary School nga naga serbe chairperson sang Electoral Board sa maabot nga piniliay.Sa interview sang media kay Villaflor nga naga papili bilang alkalde sang banwa, iya ginsiling nga ang natungdan nga manundulo ang nakit-an sang makapila ka beses nga naga upod sa mga sinapol sang family leaders sang iya nga kasumpong sa pulitika.Sa iya nga verified complaint ginsiling man ni Villaflor nga ...
Bulig sang mga gobernador nga kaalyado sang presidente ang ginhinyo para maduso ang tatlo ka mga senatoriable sa idalom sang Alyansa para sa Bagong Pilipinas.Ginsiling ni Governor Eugenio Jose Lacson nga sila ang nagsapol kay Presidente Ferdinand Marcos, Jr., sadtong Mayo 5. Ginhinyo suno kay Lacson ang bulig sang mga gobernador, labi na yadtong naga papili nga unopposed nga itib-ong ang kandidatura nanday Manny Pacquiao, Francis Tolentino kag Benhur Abalos, Jr. Ang iban nga mga kandidato sa idalom sang Alayansa ang yara na nalakip sa magic 12. Dugang pa ni Lacson, nga gina tugyan na sa ila ang desisyon bahin sa kandidatura sang iya nga utod - re-electionist Imee Marcos.Samtang, sa personal naman nga listahan ni Governor Lacson, nalakip sa iya nga gina endorso ang kandidatura nanda...
Sa Bacolod City Government Center natalana ipatuman sang Comelec-Bacolod ang Canvassing of Votes para sa May 12 National kag Local Elections. Gani kabahin sang pagpanghanda sang Bacolod Traffic and Transportation Management Department ang pagpatuman sang partial road closure sa main entrance sang BCGC. Ginpahayag ni BTTMD OIC Patrick Lacson nga kinahanglan hilway ang alagyan sa pag-inabot sang mga ballot boxes kag iban pa nga election paraphernalia. Upod sa katapo sang Public Order and Safety Office hugot nga magabantay ang BTTMD para masiguro nga mangin matawhay ang canvassing sa palibot sang BCGC grounds.
Nasunog ang duha ka mga classroom sang senior high school, faculty room, library, kag canteen sang Siaton National High School sa Negros Oriental sang Martes sang gab-i.Sa inisyal nga impormasyon ang Bureau of Fire Protection, antes nagdako ang kalayo may nakit-an ang gwardiya nga spark sa linya sang kuryente sa isa sa mga classrooms.Madasig nga nag lapta ang kalayo sa mga pasilidad sang eskwelahan gani pati ang mga residente malapit sa eskwelahan ang nag kinarankaran.Naabo ang mga pulungkuan, lamesa kag mga libro.Nagbulig pa sa pagpalong sa kalayo ang mga fire stations sa kaiping nga mga banwa kag siudad.Wala naman sang may nareport nga nasamaran sa insidente.Gina usisa pa sang BFP kun ano ang ginhalinan sang sunog.
Ginpalubong na sang katapo sang 62nd Infantry Batallion sang Philippine Army ang bangkay sang gina-alegar katapo sang New People’s Army nga napatay sa nagluntad nga engkwentro sa Brgy. Humay-Humay sa Guihulngan City sa Negros Oriental sang nagligad nga semana.Ang bangkay ginkilala kay Tony Pahayahay, alyas Alden/Redol ang ginpalubong na lang sa patyo sa Brgy. Poblacion, Martes sang hapon bangud wala sang pamilya nga nagkuha sang bangkay.Sa natabo nga encounter sadtong Mayo 1, na recover na lang sa area ang bangkay sang rebelde, isa ka M4 assault rifle, M16 rifle, tatlo ka mga M16 long magazines, 30 ka mga bala sang 5.56 mm, kag personal nga mga pagkabutang.
Sa walo ka mga loose firearms nga natigayon nga na-recover sang Bacolod City Police Office, anum diri ang gin-surrender paagi sa mga police stations. Humalin sang Abril asta Mayo 4, may dugang nga duha ang natigayon nga nakumpiskar paagi sa anti-loose firearm operation kag duha man sa mga nakuhaan sang pusil ang napasakaan kaso angut sa pagsupak sang Comelec Gun Ban. Sa kabilugan may 14 na tanan ka mga gun ban violators ang napasakaan sang kaso halin sang nagsugod ang election period sang Enero. Samtang, may kabilugan nga kapin sa P2.7M nga balor sang illegal drugs ang natigayon nga nakumpiskar sang kapulisan sa 12 ka mga anti-illegal drug operation halin sang nagligad nga bulan. May 15 tanan ka mga persona ang nagkaladakpan kag napasakaan sang kaso angut diri.
Kilalala nga V host comedian nga si Vice Ganda ginapaabot sa Miting de Avance sang Asenso Bacolod sa BCGC sa Sabado.May kapin sa 30,000 ka mga supporters sang Asenso Bacolod ang ginapaabot magatambong sa natalana nga Miting De Avance sa Bacolod City Government Center sa Sabado sang gab-i. Ginsiling ni Mayor Albee Benitez nga napili nila sa BCGC ang pagtililipon bangud luyag nila nga mangin symbolic ang natalana nga Miting de Avance. Mangin kabahin diri ang kilala nga TV host comedian nga si Vice Ganda nga maga-lingaw sa mga tumalambong. Sini nga Miyerkules sang hapon, nagsapol na ang katapo sang BTTMD agud mapat-ud kun kinahanglan ang pagpatuman sang temporary road closure sa palibot sang BCGC dungan sa natalana nga Miting de Avance. Ginapasiguro ni BTTMD deputy Jose Antonio Robello ng...
Anum ka mga barangay sa Bacolod sarang maka-benepisyo sa dugang nga 3 million liters a day (MLD) nga supply halin sa Matab-ang River.Gin-activate na sang Baciwa-PrimeWater ang Matab-ang Water Treatment Plant sa Barangay Granada sa Bacolod. Gani sugod na mabatyagan ang dugang nga 3 million liters a day nga supply sang tubig sa Barangay 27, 28, 30, Estefania, Villamonte kag Mandalagan. Sandig sa management sang water distribution utility, kapin sa 5,000 ka household consumers ang sarang makabenepisyo sa dugang nga water supply. Ginapaabot nila nga sa dalayon magsaka sa 6MLD ang sarang nga madeliver nga supply sang pasilidad sa madasun nga binulan. Ginpahayag ni Mayor Albee Benitez nga paagi sa dugang nga supply mas magasaka pa ang supply sa masobra 80MLD matapos man ang pagtupa sang ulan...
Natunaw na ang low pressure area nga nagdala sang ulan sang Sabado sa Kabisayaan. Pero may bag-o na naman nga low pressure area nga na monitor sa baybayon sang Tuburan, Cebu. Ginapaabot nga magamay ang tsansa nga mag-develop ini sa isa ka bagyo sa masunod nga 24 oras. Pero magadala ang LPA sang ulan sa Visayas kag sa porsyon sang Luzon.Suno sa PAGASA, isa tubtob duha ka mga bagyo ang mahimo maglabay sa Pilipinas sa sini nga bulan sang Mayo.Gina paabot nga mangin mainit naman ang panahon pag-abot sang Lunes, adlaw sang Pinili-ay.
