Arestado ang isa ka casual employee sang banwa sang Manapla matapos makuhaan sang masobra 1 ka milyon ka pesos nga balor sang iligal nga droga sang Sabado sa Barangay 1A.
Ang suspek amo ang 36 anyos nga si Steve Silava, nga nadakpan man sang tuig 2017 bangud man sang iligal nga droga.
Duha ka plastic kag napulo ka sachet sang suspected shabu ang nakuha kay Silava. Ini ginabulubanta nagabalor tanan sa P1,054,000.
Kaso nga paglapas sa RA 9165 ang ipasaka batuk sa iya.