Apat ka mga lugar ang gin bisita kahapon sang Office of the Civil Defense angut sa pagpatigayon nila sang assessment sa epekto sang pagbuga sang abo sang Bulkan Kanlaon matapos ang sunod-sunod man nga ashing events.
Suno kay OCD Western Visayas Head, Raul Fernandez, ang Canlaon City ang nag report sang kahalitan sa pananom pero, pero as of press time ini ang gina consolidate pa.
Magluwas sini, wala na sang health issues nga na report tuga sang abo ukon sulfuric odor.
Wala man sang kahalitan sa kasapatan nga gin-report.
Wala sang ika alarma suno kay Fernandez sa sitwasyon karon.
Nalakip sa ila nga ginbisita kahapon ang La Carlota City, La Castellana, San Carlos City kag Canlaon City sa Negros Oriental.
Paathag niya fully capacitated na ang mga LGU kag padayon man ang pag issue sang advisory sang Phivolcs gani sarang maka desisyon ang LGU santo sa sitwasyon angut sa Kanlaon activity.