Canlaon City ang maga deklarar sang state of calamity para maka preparar enkaso maglala ang sitwasyon dala sang paglupok sang Bulkan Kanlaon.
Suno sa kay Mayor Jose “Batchok” Cardenas gina preparahan lang nila enkaso kun maglala pa ang sitwasyon.
Luyag nila nga naka handa na nga daan antes pa man maglala ang sitwasyon. Gani maga convene subong nga hapon ang konseho sang siudad para mag deklarar sang state of calamity.
May mga gin-report nga pananum sang mga mangunguma nga apektdo sang ash fall kahapon sa apat ka mga barangay sa siudad.
May mga lugar nga gina kabig tourist destination sa Canlaon City nga temporaryo nga gin sira. May forced evacuation sa mga barangay nga nasakop sang 4km permanent danger zone.