Halos natapos na ang construction sang Cancer Care Center sa sulod sang Corazon Locsin Montelibano Memorial Regional Hospital sa dalan Lacson sa Bacolod.
Gani ginapaabot ni Congressman Greg Gasataya nga sa Mayo posible na ma-inauguran ang proyekto. Madasun nga tagaan atensyon ang pag-install sang mga equipment nga nagabalor sa masobra P50M para sa center.
May kapin sa P34M ang pondo nga gintalana para sa construction sang proyekto nga ginakinahanglan para sa expansion sang regional hospital sa tuyo nga mas madamo pa nga mga pasyente ang mabuligan sa palaabuton.