Siudad sang Cadiz naka record sang pinaka mataas nga new Covid-19 cases sa isa ka adlaw sang kahapon.
Suno kay Mayor Salvador Escalante, Jr., may 26 ka bag-o nga kaso sang Covid-19 nga na record sa siudad sang kahapon. As of June 9, 102 ang active cases sa siudad.
Ang sitwasyon suno sa alkalde, sa isa ka video message para sa mga Cadiznon, ang maka alarma na rason nga iya ginsulit panawagan sa pumuluyo ang maid-id nga pagsunod sang health protocols.
Sa 26 ka bag-o nga kaso, laban diri, latnanay sa pamilya, suno sa alkalde.
Nanguna sa panawagan sang alkalde ang pag paiway sa mga party celebration nga damlag pa ginmando na sang presidente. Dugang pa ni escalante nga ang iban nga mga hilikuton ilabi na ang mga ginakabig nga superspreader ang ipaiway man anay ukon hagan-haganon.
“Ang inyo gobyerno naga panginguha, para indi kita maglapta. Subong ang aton virus is very, very superspreader. Ini ang 26 ka cases nga natabo subong nga adlaw (June 9), nga na-record natun subong nga adlaw (June 9), kalabanan sini pamilya. Kun malatnan gani ang isa ka miembro sang pamilya, siguraduhon ta nga ang palibot sina, ang bilog nga pamilya, apektado, malatnan niya gid. So very important, kay kumo pamatyag naton nga kayang kaya natun si virus, indi gid,” suno kay Escalante.