Isa ka butanding ang nakit-an sa punot mga isa ka kilometro gikan sa shoreline sakop sang Barangay Banago sa Bacolod City.
Suno kay LCDR Ludovico Librilla, pamuno sang PCG-Bacolod, ginpahibalo sila Domingo sang hapon nga may nakit-an nga butanding. Ini ang nakit-an sang caretaker. Sa video nga kuha ni Luniza Indoma, makit-an ang butanding nga yara naga libot-libot sa sulod sang punot.
Mahimo suno kay Librilla, bangud sang pagkaon nga bugana sa amo nga lugar, kasubong sang hipon, rason nga nakit-an didto ang butanding.
Ugaling kay tungod nga lubog ang tubig, indi pa sarang maka dive ang katapo sang Coast Guard suno kay Librilla.
Posible bwas nga adlaw, Martes, balikan sang Coast Guard ang amo nga butanding para mabalik ini sa kadagatan.