Business sector nagapamalabag sa naaprobahan nga hagna angut sa P100 wage increase. Gina abi abi sang pamunuan sang Diocese of San Carlos kag sang katapo sang labor sector ang pagpasar sang senado sang Senate Bill 2534 nga nagaduso sang dugang nga P100 nga saka sa sweldo sang minimum wage earners.
Pero sa ginpirmahan nga pahayag sang katapo sang business sector sa pagpanguna sang Philippine Chamber of Commerce and Industry, ila ginpalab-ot ang pagpamalabag sa hagna sa pagpati nga may kapin sa 47 million pa ka mga empleyado sa bahin sang micro, small and medium enterprise ang maapektuhan.
Sa ginpalab-ot nga joint statement sang mga negosyante, ila man ginhinyo sa Senado ang paghatag kalubaran sa economic inequality paagi sa pagpasar sang legislation nga magahatag atensyon sa problema sa manubo nga produksyon, indi maayo nga panghimanwa, excessive regulations kag ang nagalala nga kapigaduhon.
Ang Senate Bill 2534 ang kinahanglan pa sang counterpart measure sa kongreso.
Indi sakop sang wage increase ang mga katapo sang informal sector ukon ang mga yadtong nagapanginwat kag naga remedyo heneral kasubong sang mga trisikad kag tricycle driver, mga mananagat kag iban pa nga labi nga apektado sang inflation rate ukon ang padayon nga pagsaka sang bili sang balaklon sa pihak sang naga nubo nga supply.
Indi man sakop sang P100 wage increase ang mga employer nga indi maglab-ot sa napulo ang mga trabahador.