Mga commercial establishment ginapaandaman sang Bacolod Traffic Authority Office batuk sa pag gamit sang sidewalk kag dalan bilang reserved parking area.
Nasampolan na sang BTAO ang management sang anay hotel sa corner sang Magsaysay kag Lacson Street nga nag gamit sang sidewalk bilang parking area sang mga motorsiklo sang mga empleyado sang BPO firm.
Nagligad nga semana sang ginpang tow sang BTAO ang 31 ka mga motorsiklo kun diin kabahin sa mga nag gawad sang motorsiklo ang mismo management sang anay hotel.
Suno kay BTAO deputy chief Jose Antonio Robello, may salabton ang mga commercial establishment nga naga gamit sang sidewalk kag kilid sang dalan bilang reserved parking area sa ila mga kliyente kag customers.
Ginsuguran naman sang BTAO ang pag consfiscate sang mga signages nga masami nagabalabag sa kilid sang karsada.