Mayorya sang katapo sang Local Market Committee ang wala na nagpabor para sa dugang nga extension nga ginahinyo sang masobra 200 ka mga manugbaligya sa Burgos Public Market nga wala makabayad sang utang sa renta sa merkado.
Gani suno kay City Legal Officer Atty. Romeo Carlos Ting, Jr. tubtob na lang sa Enero 31 ang pagbaligya sang market vendors nga mapaslawan magbayad sang utang.
Ini matapos man ma-issue sa ila ang notice to pay kag notice to vacate sang nagligad nga semana.
Disyembre 31 ang sadto deadline nga nahatag sa mga market vendors agud bayaran ang tig-P16,000 nga arrears sa mga ginadumala nga stall sa merkado.