Maka duha ka beses nga nag buga sang abo ang Bulkan Kanlaon kaina sang aga.
Una nga nag buga sang abo las 6:54 sang aga kag naglawig ini sa sulod sang 46 minutos suno sa Philippine Institute of Volcanology and Seismology.
Ang ika duha nga pag buga sang abo 7:50 sang aga kag nag lawig sang 23 minutos.
Suno kay Daryll Arro, Science Research Analyst sang PHIVOLCS wala sila sang may nabaton nga report angut sa ash fall.
Dugang pa niya nangin manipis ang ash emission.
Naga pabilin sa Alert level 2 ang bulkan Kanlaon.
Sa October 15 nga 24 hour observation, 17 ka volcanic earthquakes ang na-record kag 3,370 naman ka tonelada ang sulfur dioxide flux.
“Indi man ni una nga amo ni kalawig. Matandaan ta man nga previous nga ash emission nag lab-ot ni sa inoras kag may discreet events pa gid siya”, suno kay Arro.