Halin sa 4.4 magnitude nga linog gin-downgrade ini sang PHIVOLCS sa 4.2 magnitude.
Sa baybayon sang Guimbal, Iloilo ang sentro sini kag tectonic in origin las 6:48 kaina sang aga.
Base sa record sang PHIVOLCS nabtayagan ang intensity 4 sa Iloilo City kag Nueva Valencia sa Guimaras.
Intensity 3 sa Guimbal, Miag-ao kag Oton.
Intensity 2 sa San Lorenzo Guimaras, iban nga porsyon sang Iloilo City kag Bago City, Negros Occidental.
Intensity 1 sa Antique kag La Carlota City.
Bisan sa Bacolod City nabatyagan man ang pagtay-og.
Gani ang mga estudyante sang Negros Occidental High School ang nag tililipon sang atubang sang main building matapos ang linog.
Dugay-dugay gin-suspend ang face-to-face classes kag ginpapauli ang mga estudyante.
Sa Riverside College naman nag ginuha man ang mga estudyante gikan sa ila classrooms kag nag deklarar ang eskwelahan nga mangin online na lamang ang klase.
Samtang bangud man sang mga linog humalin sang nagliligad nga mga inadlaw, 38 ka mga pampubliko nga eskwelahan sa Bacolod ang gin-classify sa idalom sang Green Category ukon wala sang structural threats kag may minor issues lamang,
7 ka eskwelahan ang gin-tag sa idalom sang Yellow Category ukon safe lang para sa partial occupancy pero naga kinahanghlan sang repair kag apat ang naga kinahanglan sang further inspection kag assessment.
Wala sang eskwelahan nga ginpaidalom sa Red Category, ukon unsafe for occupancy.
Ini base sa joint evaluation sang City Engineer kag Building officials.