Padayon ang pagbuga sang bulkan Kanlaon sang abo.
Kaina sang aga suno kay Mari-Andylene Quintia, ang resident volcanologist sang Kanlaon Observatory sa La Carlota City maka duha ka beses nga nagbuga sang abo ang bulkan. Mga las 8:45 sang aga tubtob las 10:02 sang aga ang pag buga sang bulkan Kanlaon.
Ini ang nag tuga sang grayish plumes nga nagsaka tubtob sa 350 meters gikan sa baba sang bulkan. Wala untat ang paandam sang National Disaster Risk Reduction Managment Council nga maghalong gikan sa ash fall.
Suno kay Quintia kaina sang aga may report sila sang manipis nga ash fall sa Guintubdan sa Brgy Araal sa La Carlota City.
“Medyo mas short lived siya. Indi siya amo na kadamol parehos sang nagliligad, subong between 100 to 300 meters ang iya nga kataason”, suno kay Quintia.