City Legal Officer sang Bacolod nagpahayag nga magapadayon ang rehabiliation kag improvement sa old Bacolod City hall pending sang desisyon sang korte sa claim sang pamilya Luzuriaga.
Wala sang may nakita nga rason si City Legal Officer Romeo Carlos Ting, Jr., para untaton kag indi pagsigehon ang ginapatuman karon nga rehabilitation kag improvement sang old city hall sang siudad sa dalan Luzuriaga.
Suno kay Ting, bisan pa may pending nga kaso nga file angut sa claim sang pamilya Luzuriaga sa ginatindugan nga lote sang old city hall, ang temporary restraining order lamang ang makapugong sa proyekto. 2009 sang nag-file sang annulment of title ang eredero sang pamilya Luzuriaga batuk sa Bacolod LGU kag 2011 sang nag-intervene ang pila ka mga katapo sang konseho.
Pero nanindugan ang siudad nga sandig sa nauyatan nila nga Transfer Certificate of Title nga na-issue sang 1934, wala sang annotation sa titulo angut sa ginasiling deed of donation sang Pamilya Luzuriaga kag bahin sa mga inhibition sa pag-gamit sang propiedad. Gani sini lang nga Agosto ginpatuman ang P223M rehabilitation and improvement project sang siudad.
Ginklaro ni Ting nga wala nalakip sa rehabilitation project ang natindugan sang fountain of justice nga amo lang ang gina-recognize sang National Historical Institute bilang heritage site kag ginakabig historical landmark sang Bacolod.