Matapos ang minor explosive eruption sang bulkan Kanlaon sadtong Abril 8, liwat na naman nga nagbuga sang abo ang bulkan Kanlaon subong nga adlaw, Lunes.
Ang una nga buga sang abo natabo 11:52 sang aga.
Naglab-ot sa 800 meters ang kataason sang pag buga sang abo sang bulkan.
Gilayon nagpaandam ang Philippine Institute of Volcanology and Seismology sang possible nga ash fall sa La Carlota kag Bago City. Sa La Carlota, manipis nga ash fall ang gin-report.
Las 2:53 sang sini nga hapon liwat na naman nga nag buga sang abo ang Kanlaon kag mga 600 meters naman ang kataason.
Liwat man sa gihapon nga gin paandaman ang La Carlota kag Bago LGU nga maghalong sa abo.
Abril 8 ang ulihi nga lupok sang bulkan.
Ginsiling sang PHIVOLCS nga minor explosive eruption ang natabo pero tuman naman kadamo sang abo nga nahulog ilabi na sa La Carlota City.
Kahapon may na record nga 33 ka mga volcanic earthquakes sa Kanlaon kag naga pabilin ini sa gihapon sa Alert Level 3.
Ang Task Force Kanlaon ang naga paandam man sa publiko nga indi pwede ang trekking, pilgrimage ilabi na sa sulod sang 6 km danger zone sa palibot sang bulkan subong nga semana santa.