Naghinyo sang bulig sang probinsya ang alkalde sang Moises Padilla angut sa sitwasyon sang Central Philippine State University – Moises Padilla campus matapos nga mag expire ang Deed of Usufruct sang eskwelahan kag luyag na kuhaon balik sang tag-iya sang duta ang iya propiedad.
Personal nga ginpadangat ni Mayor Ella Garcia – Yulo kay Governor Eugenio Jose Lacson ang concern sang CPSU – Moises Padilla Campus.
2017 pa nag expire ang 10 year nga Deed of Usufruct sang eskwelahan kag ni anay Mayor Francisco Nazareno.
Wala man sang ikasarang ang banwa para diri rason nga iya ginpadangat kay Lacson suno sa alkalde.
Linibo ka mga estudyante indi lamang sa iya nga banwa kundi pati man sa kaiping nga banwa sang La Castellana ang naga eskwela sa CPSU.
Lakip sa mga kurso nga gina tanyag sang eskwelahan amo ang Education, Information Technology kag Agribusiness.
Wala labot nga mahapos kag mas malapit sa mga pumuluyo ang amo nga campus, mas maka kinot pa sila sa plete ukon sa board and lodging kun diri sila mag eswkela tigaylo sa iban pa sila magtuon.
Tuyo ni Nazareno suno sa kay Garcia-Yulo nga ibaligya ang duta. Nagpahayag naman sang iya nga bulig suno kay Garcia-Yulo ang gobernador.
Upod sang alkalde ang mga lokal nga opisyales sang Moises Padilla kaina kag sila ang nag courtesy call sa gobernador.