Pagkatapos na election ukon bulan na sang Mayo tigayon nga na aprobahan ang 2022 budget sang banwa sang Isabela.
Suno kay Mayor Irene Montilla, Mayo 25 na tigayon na aprobahan ang 267 million nga budget.
Sa karon gina hingagaw nila gamit ini labi na sa mga proyekto nga na apektuhan man tungod sang ulihi nga pag approve sang budget.
Wala natigayon ang pag-approve damlag pa sang sb bangud suno sa kay Vice Mayor Renato Malabor, Jr may mga kulang sa dokumento nga ila gina pangayo bagay nga ginhimutig sang alkalde.
Nalakip sa budget ang bulig para sa mga mangunguma suno kay Montilla bahin sa mga farm implements nga ila kinahanglan, amo man ang sa health sector kasubong sng patient transport vehicle, kag sa DRRMO kag iban pa gid nga basic services.
Samtang, bahin sa insurgency, suno kay Montilla indi pa man siya maka siling nga insurgency free na ang banwa. Pero ang mga punong barangay sadto nga may simpatya sa rebeldeng grupo karon ang naga dampig na sa gobyerno.
May walo ka mga barangay sa Isabela ang naka baton sang tig 20 milyones pesos nga pondo gikan sa NTF-ELCAC ukon sa National Task Force to end local communist armed conflict.
Kabahin na diri ang proyekto para sa farm to market roads suno sa alkalde.