Shadow

Masunod nga city legal officer sang Bacolod ginpakilala na, transition team luyag nga mapa temprano ang meeting sa transition team sang Leonardia administration

Si Atty. Romeo Carlos Ting, Jr. ang napili ni mayor elect Alfredo Benitez nga mangin city legal officer sa iya pagsugod sang iya administration sa Hunyo 30.

20 years na sa law practice si Ting kag ginabaton niya ang pagpanghangkat sang bag-o niya nga trabaho.

Upod sanday Atty. Pacifico Maghari III nga gin appoint nga city administrator, atty. Karol joseph chiu nga mangin secretary to the mayor, re elected councilor Al Espino kag anay Councilor Ceasar Distrito mangin kabahin sila sang interim transition team nga pangunahan ni re elected Congressman Greg Gasataya.

Sa Hunyo 22 gintalana sang Department of the Interior and Local Government ang meeting sa tunga sang transition team ni Benitez kag tiglawas sang transition team ni outgoing Mayor Evelio Leonardia.

Pero suno kay ting, malip ot ang nabilin nga inadlaw para mausisa nila ang mga dokumento nga igatugyan sa ila sang outgoing administration. Amo nga ginhinyo nila nga mas temprano pa ma set ang meeting.

“Since the creation of the transition committee of the local government, it was created even before the elections. So, I don’t know what documents they need to prepare now that they don’t prepare before,” suno kay Ting.

Samtang, suno kay Atty. Bong Dilag, spokesperson ni Benitez,ginahulat na lamang nila karon ang pagbalay ni Benitez sang igatukod nga Truth Commission.

Ginalauman ni Dilag nga sa pagsugod sang Benitez administration ma set na ang momentum sang iya panghimanwa sa sulod sang 100 days.

Secured By miniOrangeSecured By miniOrange