Sini nga semana gina paabot nga sugdan sang Committee on Finance sang Sangguniang Panlalawigan ang budget hearing.
Suno kay Vice Governor Jeffrey Ferrer, sang nag ligad man lamang nga semana na submit sa SP ang 5.7 billion pesos nga 2022 proposed budget kag ini ang yara na sa Committee on Finance.
Indi naman pag ipatawag pa ang tanan nga departamento magluwas na lamang sa mga importante nga departamento kasubong sa Health, Budget kag Governor’s office. Ang ginatutukan amo nga ma sabat ang pagpanghangkat nga dala sang pandemic.
Gina paabot nga sa ika duha nga semana sang Nobyembre suno kay Ferrer ma pasar na ang 2022 budget. Mangin priority ang pagtalakay sang proposed budget sang SP.
“Ang priority ta to address the pandemic. So, kun ano nga mga agency ang related dira amo na ang priority ni Gov. Number one sa health, health services, so kun ano pa gid. Ika duha, well of course kabalo naman kamo nga duha pa ka tuig ang economic recovery i-address natun dira kay kadamo sang livelihood kag labor component, nga benefit nga makadto sa tawo nadula na because of this crisis,” suno kay Ferrer.