Apat ka adlaw antes ang pagpatuman sang Clamping ang Towing Ordinance sa Bacolod may mga na sampolan na nga mga salakyan.
Sa Araneta Street nasampolan na ang isa ka awto sa kun ano ang matabo sa mga naga park sa No Parking Zone kag Clamping and Towing Zones sa Bacolod.
Nagsugod na ang katapo sang Bacolod Traffic Authority Office sa pag patigayon sang dry run para sa Clamping kag Towing Ordinance.
Ginpahayag ni Major Junjie Liba, pamuno sang BTAO, madamo pa sang mga motorista ang wala nakahibalo sa ordinansa sang siudad matapos ang isa ka semana nga dry run.
Sa Oktubre 9 na maga sugod ang pagpatuman sang Clamping ang Towing Ordinance.
Maga deploy ang BTAO sang 12 ka mga traffic enforcer para mag panakop sa mga naga park sa Clamping kag Towing Zones.
May pila ka mga areas nga indi pwede maka park sa higad sang dalan.
Nalakip diri ang Cordova Street sa tabok sang CLMMRH, ang 21st Lacson Street sa tabok sang Bar 21, 22nd Lacson Street sa tabok sang Transcom kag 16th Lacson Street sa tabok sang L’ Fisher Hotel.
Sang Myerkules may pila ka motor kag salakyan ang gin clamp bangud sa illegal parking.
Wala anay ginpabayran sang BTAO ang clamping fee tubtob nga matapos ang dry run.