BTAO Deputy Jose Antonio Robello indi gihapon maka-recommend nga sa BANOCEH paagyon ang tanan nga mga truck nga nagalinabay sa Bacolod. Ginaplano sang Committee on Traffic and Transportation sang konseho sang Bacolod nga mapatuman ang experimental route para sa mga truck nga nagalinabay sa Circumferential Road.
Ang Bacolod Negros Occidental Economic Highway ang ginapaabot ni Councilor Al Victor Espino nga mangin rota sang tanan nga mga truck nga nagalinabay sa siudad. Pero tubtob subong nagapati si Robello nga madamo pa sang kinahanglan nga ulubrahon sa highway gani indi gihapon niya ma-recommend nga himuon nga detour sang mga truck ang BANOCEH.
Magluwas nga may nagapadayon nga road construction, ginakulang pa ang street lights sa alagyan rason nga indi pa handa ang BANOCEH base man sa ginpatigayon nila nga feasibility study.