Shadow

Brgy. Estefania may pinaka damo nga kaso sang dengue sa Bacolod

Namutikan ang pagsaka sa kadamuon sang dengue cases sang Bacolod.

Sa pinaka ulihi nga report sang City Health Office, sa morbidity week 41, ukon as of October 16, 278 ang na report nga kadamuon sang dengue cases sa Bacolod, tatlo diri ang napatay.

0.4 percent nga nag saka kun ipaanggid sa kasubong nga tiun sang 2020. Sang nagliligad nga bulan, decreasing ukon mas manubo ang kadamuon sang kaso sang dengue kun ipaanggid sa amo nga tiun sang 2020.

Ang Barangay Estefania ang may pinakamadamo nga na record nga kaso sang dengue, 35, sunod ang Tangub, Mansilingan kag Villamonte, 22 kag Singcang-Airport, 19.

Suno sa City Health Office ang pagsaka sang kaso tuga sang mga nakit-an nga tin-aw nga tubig nga yara sa mga container ayhan sagwa ukon sa sulod sang mga balay nga naga serbe nga breeding site sang mga lamok.

Padayon ang pagpakig angut sa mga barangay, amo man ang ricordia, pagpanagtag sang larvicide kasubong man fogging kag spraying.

Leave a Reply

Your email address will not be published. Required fields are marked *

Secured By miniOrangeSecured By miniOrange