Asta karon wala pa nag-gwa ang resulta sang ginpatigayon nga pinili-ay sa convention sang Asenso Bacolod para sa mangin dugang nga kandidato sa pagkakonsehal sa 2025 local elections.
Ginkumpirma ni Mayor Albee Benitez nga wala nangin patas ang botohay rason iya ini ginapausisa.
Ginsiling sang alkalde nga kun mapamatud-an nga wala nangin neutral ang mga punong barangay sarang ideklara nga invalid ang resulta sang botohay.
Domingo sang nagboto ang masobra 26,000 ka Asenso leaders sa Bacolod para pili-on ang duha sa anum ka mga luyag magpapili konsehal.
Nalakip sa mga nagpapili sanday anay Councilor Homer Bais, Barangay Vista Alegre Punong Barangay Lindy De Leon, Barangay 40 Punong Barangay Elmer Villanueva, Punong Barangay Jhun Marby Orola sang Barangay 26, Barangay 34 Punong Barangay Teodoro Yulo kag negosyante nga si Rico Villafuerte.