May tatlo ka panibag-o nga kaso sang Covid-19 Delta variant sa Western Visayas.
Gani nagapati si Em Ang, executive director sang Bacolod Emergency Operation Center nga ini man ang kabangdanan kun ngaa nagapabilin sa general community quarantine with heightened restrictions ang Bacolod sumugod Agosto tubtob 15.
Ini bisan pa naganubo na ang Covid-19 cases sa siudad.
Bangud sini magapabilin man ang hugot nga pagpatuman sang minimum health protocol.
Wala gihapon ginatugutan sang siudad ang leisure travel halin sa isla sang Panay.
Magluwas sa mga authorized persons outside residence ukon APOR, gina require man ang negative RT-PCR test result sa mga pasahero gikan sa mga lugar sa Western Visayas nga napaidalom sa modified general community quarantine kag general community quarantine status.