Suspended CENECO Board of Directors maga-file sang motion of reconsideration sa NEA agud i-klaro kun ngaa napaslawan sila magfile sang notice of extension sa kontrata upod sa KEPCO SPC Power Corporation.
Nagapanindugan si Ceneco President Jojit Yap upod sa katapo sang Board of Directors nga wala sila sang nahimu nga anomaliya nga sarang naka apekto sa mga kunsomedor taliw as sa pahayag sang katapo sang Power Watch Negros.
Ini matapos man nagpa gwa sang desisyon ang National Electrification Administration Administrative Committee nga nagamandu para sa 30-day suspension batuk sanday Yap, mga katapo sang BOD nga sanday Ernie Larida, Martha Joyce Cuenca,Antonio Panique, Eugene Velasco,anay board of director Robert Javellana kag anay acting general manager Atty. Danny Pondevilla.
May kaangtanan ini sa ginpatuman nga 20 megawatt contract extension sang Ceneco upod sa KEPCO SPC Power Corporation nga nagtakop sini lang nga Mayo 2022.
Paathag sang Board of Directors, naandan na ang indi pagkuha sang exemption sa contract extension kag mismo ang Energy Regulatory Commission ang naghatag sang approval para sa time of use rate pending sang approval sang natukod nga kontrata.
Ang consumer watch group ang nagpasaka sang kaso batuk sa mga board of directors kag anay acting general manager sang Ceneco angut sa Grave misconduct, Gross Neglect Dishonesty, Gross Insubordination, Conduct Prejudicial to the Interest of the EC kag MCO.
Sa decision sang NEA Administrative Committee nga ginpa gwa sang Mayo 30, ang mga akusado ang guilty of simple neglect of duty kag ginpinahan sang 30 days suspension.