Pasilidad sang BJMP sa Barangay Singcang-Airport plano nga isaylo sang siudad sa Granada.
Indi mabatas ni Mayor Albee Benitez ang sitwasyon sang mga persons deprived of liberty sa iya pagbisita sa Bureau of Jail Management and Penology – male dormitory sa iya ginpatigayon nga surprise visit sa pasilidad sang weekend.
Sa tuman nga init sang panahon, nakit-an niya ang pag ginutok sang kapin 700 ka mga PDL sa sulod sang pasilidad nga para lang kuntani sa masobra 300 ka PDL.
Gani ginduso sang alkalde nga sa bulig sang national agency masaylo kag matagaan sang nagakaangay nga pasilidad ang mga PDL sa nabakal nga duta sang siudad sa Barangay Granada.
May kapin 75 ektarya nga propiedad ang Bacolod LGU kun diin sarang matukod ang BJMP facility.
Sa amo man nga duta plano sang siudad nga magdugang sang public cemetery.