Pagpatuman sang Biometric Facial Recognition System ginapaabot makahatag solusyon sa masami naga ka delay nga sweldo sang mga job order workers sa Bacolod.
Indi lang mangin accurate kag madasig ang pag time-in kag time-out sang mga empleyado sang Bacolod City Government Center karon nga na-install na ang 12 sa mga biometric facial recognition devices.
Ginsiling ni City Human Resource Management Office Head Erman Aguirre, integrated sa pila ka mga city departments ang biometric system gani mas mangin mahapos ang validation kag pag-proseso sang payroll sang mga empleyado.
Humalin sang nagligad nga tuig, pila ka mga job order workers ang nagreklamo bangud sang nagaka-delay nga sweldo.
Kabahin ini sa mga gintagaan atensyon ni Mayor Albee Benitez amo nga ginpatuman ang Biometrics Facial Recognition System agud mapaiway na ang malawig na nga problema.
Tuyo sang Bacolod LGU nga magluwas sa BCGC, iga-install sa iban pa nga government offices ang Biometric Facial Recognition devices.