Anay Victorias City Mayor Francis Frederick Palanca luyag nga dulaon ang One Hospital Command Center sang Negros Occidental Provincial Government.
PHO nagsiling nga ang amo nga sistema ang gina kabig nga isa sa mga best practices sang Negros Occidental kag gina replicate gani sang iban nga probinsya.
Sa press conference sang Martes, gin siling ni Palanca nga naga papili bilang gobernador sa 2025 elections sa idalom sang Partido Demokratiko Pilipino, nga dapat dulaon ang One Hospital Command Center ukon OHCC bangud ini ang anti-poor.
Paathag niya ang OHCC ang ginkinahanglan sadtong tion sang COVID-19 pandemic kag karon nga natapos naman ini indi na kinahanglan pa ang OHCC.
Iya ginsiling nga dapat ang mga pasyente ang gilayon nga ma admit sa ospital nga indi na ma delay pa tuga sang referral system.
May naga kalamatay suno sa iya bangud indi sila makasulod sa ospital.
Padayon ang pag patuman sang OHCC suno kay Provincial Health Officer Dr Girlie Pinongan.
Gindayaw gani sang Department of Health ang probinsya bangud sang pag patuman sang amo nga sistema suno sa iya.
Suno kay Provincial Administrator Rayfrando Diaz, kun iga abolish ang OHCC magapabilin ang mga pasyente nga wala sang klaro nga direksyon nga kun kaisa gina balibaran sang admission.
Suno sa iya sa OHCC gilayon nga maka patuman sang aksyon matapos makabaton sang notice sa pasyente nga naga kinahanglan sang hospital care.
Indi na maka pamalibad ang ospital bangud nga ini ang direct command gikan sa Hospital Operations Department.
Sa Seal of Good Local Governance evaluation sang DILG suno kay Pinongan ini ang ginakabig nga strength sang Negros Occidental kasubong man nakabig nga isa sa mga best practices.
Suno kay DOH Undersecretary Mary Ann Maestral santo ini sa Universal Healthcare kag isa sa mga Key Result Areas nga gina require sa pag patuman sang UHC.