Banwa sang Binalbagan ang naga pabilin nga area of immediate concern.
Ini suno kay Acting Provincial Elections Supervisor, Roberto Salazar, kasunod sang natabo nga pagpalupok sang rebeldeng NPA sang anti-personnel mine kasubong man sa pag paniro nga nag resulta sang pagkasamad sang duha ka pulis kag isa ka teeneager sa Brgy Bi-ao sa Binalbagan, Domingo sang aga.
Paathag ni Salazar, damlag pa nakabig na ang banwa nga area of concern bangud sang presensya sang rebeldeng NPA kag wala man sang ginpatuman nga pagbag-o sa category.
Sa karon, wala pa man gani ang Comelec kag ang militar kag PNP ang nakasapol liwat bahin diri suno sa Comelec. Ilakip ang Binalbagan may 18 ka mga areas of concern nga yara sa listahan sang Comelec.
Wala na ginpalayag sang Comelec ang tanan nga yara sa listahan kag ini ang ginatugyan na sa PNP.
“Immediate area of concern na siya sang nagligad. Practically same man lang na. Kay te ang basis na sa pag butang sa iya sa area of immediate concern bangud nga may CTG (communist terrorist group),” suno kay Salazar.