Liwat nga nag pa gwa sang statement ang New People’s Army may kaangtanan sa nag luntad nga ambush sang Dominggo sa Barangay Bi-ao sa Binalbagan kag ila gina alegar nga ang kapulisan amo ang naka tiro sa menor de edad nga nasalabat sang bala.
Suno sa NPA, nahulog ang isa ka pulis matapos mag lupok ang improvised explosive device samtang naga dalagan ang salakyan .
Sang mag abot ini sa Bi-ao proper kun sa diin yara ang duha pa ka pulis, sila ang nag palupok sang ila armas sa may plaza kag didto na nasalabat ang menor de edad.
Pero sabat naman sang PNP, ini ang balibad lang sang mga rebelde para indi sa ila mabasol ang pag ka tiro sa menor de edad.
Makita man suno sa PNP sa video nga bisan yara na sila sa proper kag madamo sang pumuluyo, gin target sa gihapon sang rebelde ang patrol car.
Samtang, ginpahayag naman sang army nga posible nga ang npa amo mismo ang nagpatay sa kay bertito roso agud magkadto didto ang kapulisan nga amo ang ila gin target sa ambush.
Suno kay 3rd Infantry Division Spokesperson Capt. Kim Apitong, gin plano sang mga rebelde ang pag ambush sa kapulisan kag kabahin diri amo ang pag patay kay Roso. Apang wala pa makapa gwa sang pahayag ang npa angut diri.
Nagapadayon ang combat operation sang army sa area.