Madayon ang June 27 nga bidding para sa Bulk Water Project sang probinsya.
Ini suno kay Acting Provincial Administrator, Alberto Nellas, Jr., nga nagsiling man nga naplastar na ang bilog nga sistema sa kapitolyo probinsyal antes pa man nag biya si Provincial Administrator Rayfrando Diaz para boluntaryo nga serbehan ang iya 6 month suspension.
Si Diaz ang isa sa mga ginakabig key persons sa bulk water project sang Negros Occidental.
Suno kay Nellas, yara man si Atty Jessa Genteroles ang Provincial PPP Focal Persona kag ang iya nga team sa pag pasiguro nga mangin masulhay ang dalagan sang bidding kag ang masunod nga mga tikang para sa bulk water project.
June 7 nagsugod ang boluntaryo nga pag serbe ni Diaz kag ni Atty Chery Shiel Valenzuela sang ila nga suspension.
June 8 naman nagsugod pungko bilang acting provincial administrator si Nellas kag depende na sa mangin resulta sang motion for reconsideration nga gin-file nanday Diaz ang kalawigon sang pag pungko ni Nellas bilang acting provincial administrator.