Sa panugod sang tuig sunod sunod na ang mga insidente sang sunog nga nag luntad sa Bacolod kag Negros Occidental.
Kun sang Enero kag Pebrero sang 2021 may 53 tanan ka mga sunog nga nag luntad sa probinsya, subong may 114 na.
Kun ang balor sang halit naman ang paga istorayahan, halin sa 7.4 million pesos sa sulod sang duha ka bulan sang last year, subong 13.7m na!
Suno sa provincial fire director sang Negros Occidental nga si Chief Insp. Kim Celiso, maka alarma na ang mga numero. Masami bulan sang marso naga damo ang fire indcident pero wala pa maka tapak
ang bulan sang Marso amat amat na nga naga saka ang mga numero.
Pebrero pa lang pero mainit na ang panahon kag makusog ang hangin. May nakita na sila nga pattern nga posible magsaka pa gid ang fire incident sini nga marso.
Base sa record sang BFP, ang naga panguna nga rason sa pagluntad sang sunog amo ang electrical connections, naga sunod ang napabay-an nga lulutuan kag ika tatlo ang napabay-an nga kandila kag gasira.
Ang nakita naman nga rason sang bfp kun ngaa naga luntad ini amo ang gubaon nga mga gamit kag madugay kag wala ma inspect nga electrical connections.
Kaina bilang panugod sang fire prevention month, nag parada ang mga fire truck sa dalanon bilang panawagan sa mga pumuluyo nga maghalong kag mangin alerto.
Isa man sa gina pangabay nila sa mga pumuluyo nga kun may magluntad nga sunog sa inyo nga lugar, unahon anay ang pagtawag sa bombero antes mag live ukon mag video.
Ang BFP indi lamang mga bombero, rescuers naman sila sa karon. Sa bisan ano nga sahi sang emergency cases naga responde man sila.
Humalin hunyo tubtob Pebrero, may 441 sila tanan ka mga vehicular accidents nga gin respondehan. Naga panguna ang Bacolod kag gina sundan sang San Enrique.