Shadow

9 ka mga unvaccinated nga manunudlo kag 4 ka staff sang NOHS wala ginpasulod sa school compound

YouTube player

Mabalik na kuntani ang maestra nga si Maria Tifel Bulanon sa eskwelahan para mag ubra sang mga module sang iya mga estudyante sa grade 10.

Pero sa gate pa lang sang Negros Occidental High School wala na siYa ginpasulat sa logbook.

Rason nga absent ang ila nga status.

Dise nuebe na ka tuig nga nagatudlo sa eskwelahan si bulanon.

Magluwas sa iya may walo pa ka manunudlo kag apat ka school staff sang buluthuan ang absent man sa ila pagbalik para mag report sa ubra.

Unvaccinated sila tanan.

Ginpaathagnaman sa ila ni Jocette Terora, principal sang NOHS nga kun indi sila fully vaccinated dapat may yara sila sang negative rt-pcr test result ukon rapid antigen test result antes pa man makasulod sa eskwelahan.

Sandig ini sa memorandum sang Department of Education para sa on-site reporting sang teaching kag non-teaching personnel.

Para naman sa mga maestra, isa ini ka sahi sang discrimination magluwas nga magasto na para sa ila ang testing.

Pero suno sa pamunuan sang buluthuan nagasunod lang man sILA SA pagsulundan sang DepEd kag para mapangapinan ang masobra sa dos siyentos ka mga manunudlo sang ekswelahan.

Secured By miniOrangeSecured By miniOrange