BENRO nagpaathag nga wala sila naga pangolekta sang suhol para sa pagpanghakot sang basura karon nga Paskwa.
Kada bulan sang Paskwa indi madula ang reklamo kag mga pamangkot nga nagalab-ot sa opisina sang Bacolod Environment and Natural Resources Office angut sa mga palero nga nagapalab-ot sang sobre sa mga residente.
Gani liwat man nga ginpaathag ni BENRO OIC Ma. Fe Trespuentes nga wala ginapahanugutan sang siudad ang ano man nga sahi sang collection gikan sa mga palero sang IPM nga amo ang nagahakot sang mga basura.
Handa ang BENRO nga mag-usisa sa mga reklamo may angut sa koleksyon sang basura.
Samtang, wala sang dugang nga dumptrucks nga igatalana ang siudad karon nga Paskwa.
Pero may yara sang emergency unit nga gin-designate sang private garbage collector agud nga mapasiguro nga mapaiway ang backlog sa basura sa pagsaulog sang paskwa kag bag-ong tuig.