Personal choice, ini ang panindugan ni Bacolod mayoralty aspirant Albee Benitez sa iya pag suporta sa kay presidential candidate Ferdinand Marcos Jr.
Sa iya nga ginpagwa nga statement sang kagab-i ginsiling ni Benitez nga indi niya pag ipilit ang iya personal choice sa iya partymates kag bisan pa sa iban nga tawo.
Sa sugod pa lang kuno, ila na nga gin kasugtan nga wala sila sang common national candidate kag ang kada isa ang libre nga pag suporta sang ila nga kandidato kag ila ina nga respetohon.
Siya kag ang iya nga Team Asenso maga padayon sa pagpatuman sang pagbag-o para sa mas maayo nga siudad sang Bacolod.
Kaina sa pagsugod sang national campaign period, isa sa mga nagtambong sa pag tililipon sang supporters ni Vice President Leni Robredo si Celia Flor nga naga papili bilang konsehal sa idalom sang Team Asenso ni Benitez. Iya gin siling nga transparency kag accountability ang luyag niya sa madason nga mangin presidente sang pungsod.