Gun-for-hire ginatutukan sang Bacolod City Police Office nga responsable sa mga pagpaniro sa siudad.
Indi pa mapat-ud sang BCPO kun sin-o ang ginapatihan gun-for-hire nga ila karon ginatutukan sa mga kaso sang pagniro sa Bacolod.
Pero ginsiling ni Police Lt. Col. Sherlock Gabana, spokesperson sang BCPO nga indi ini konektado sa isa ka grupo sang sindikato.
Sa siyam ka mga nagluntad nga shooting incident sa Bacolod humalin sang hunyo 1,suno sa iya tatlo diri ang posible may kaangtanan sa iligal nga droga kun diin mahimu responsable diri ang isa ka gun-for-hire.
Magluwas sa pagpatuman sang intensified checkpoints, istrikto man nga igapatuman sang kapulisan ang anti-riding in tandem ordinance sa Bacolod.
Ini sa tuyo man nga mapaiway ang pagluntad sang krimen.