Ginaduso nga Bawal Bastos ordinance suportado sang mga konsehala sa Bacolod.
Ang Republic Act 11313 ukon ang Bawal Bastos Law isa lang sa mga ley nga nagahatag proteksyon sa mga kababayen-an.
Gani luyag sang mga babaye nga mga konsehal sa siudad nga ini man ang mapatuman agud mapaiway ang kaso sang sexual harrassment sa mga kababayen-an.
Pinaagi sa ginaduso nga resulotion ni Councilor Celia Flor, ang pamuno sang committee on women,gender, family and childcare, ginadumili ang catcalling ukon pagpanihol, taunting kag iban pa nga sarang makatuga sang discomfort sa mga biktima nga kababayen-an sa mga pampubliko nga lugar.
Ginpahayag ni Flor nga indi mangin unfair sa mga kalalakin-an ang ginaduso nga ordinansa bangud kun basehan ang kaso sang violence against women and children, naga gwa nga nubenta porsyiento sa mga nagasupak sang ley mga lalaki.
Indi magnubo sa isa ka libo tubtob libo ka libo ka pesos nga multa nga may inoras nga community service ang pina para sa magasupak sang ginaduso karon nga ordinansa.
Ginalauman sang mga konsehala nga paagi man sa ordinansa mapaiway ang masami kaso sang victim blaming.