Nagakulob kag may mga pilas ang barker sang nasapwan sa idalom sang Magsungay Bridge malapit sa Bacolod City Government Center, sakop sang Barangay Taculing sa Bacolod City, pasado las 11 sini nga Biyernes sang aga, Pebrero 20, 2026.
Ginkilala ang biktima kay alyas “Valentine”, 54-anyos, residente sang Brgy. Sum-ag sa Bacolod apang temporaryo nga naga-istar sa idalum sang taytay.
Ginsiling ni Police Capt. Peter John Ramos, hepe sang Station 6, posible nga nahulog kag naigo sang bato ang ulo sang barker.
Ang temporaryo nga gina-istaran sang barker ang yara sa magamay nga hulot sa pinaka-ibabaw nga bahin sa idalum sang taytay.
Suno sa saksi, manuglakat na ang biktima sang nagluntad ang aksidente.*
[sibwp_form id=1]