Barato nga live weight sa baboy karon ang ginakabalak-an sang mga hog raisers.
Ginsiling ni Ric Lauron ang presidente sang Alliance of Hog Raisers Association ukon AHRANO, nagsarurot karon sa 155 tubtob 160 pesos ang kilo sang live weight subong sa mga auction market gikan sa sadto anay 175 tubtob 180 pesos ang kilo.
Wala na sang ginansya ang mga naga sagud sang baboy sa 155 tubtob 160 pesos nga kilo sang live weight bangud tuman man karon ang pagsaka sang ila nga inputs dala sang pag timbook sang presyo sang langis.
Indi nila mapat-od gid ang rason, pero isa sa ila nga gina lantaw amo ang pagnubo sang demand sa baklanay sang baboy gikan Iloilo. Ang Iloilo buyers suno sa kay Lauron sa Iloilo Province, sa Aklan kag Capiz na naga bakal kay mas barato pa gid didto ang baligyaanay.
Ika duha sa ila nga gina lantaw ang pagsaka sang kadamuon sang imported nga baboy sa probinsya. Wala pa man sila sang datus angut diri pero may mga impormasyon sila nga nabaton angut diri.
Tuyo nila sa karon nga mag sapol sa Department of Agriculture para man mahatagan sang atensyon ang ila nga sitwasyon. Ang middleman ila man gina lantaw nga may impluwensya sa presyohanay.
Luyag nila nga may intervention nga mapatuman para ma solusyonan ang problema sa presyohanay.
“Daw kadamo sang gina lantaw namon nga anggulo subong sang problema kay daw nag nubo gid kaayo ang aton live weight subong. Nag wangal gid ang aton hog raisers subong. Damo actually supply. May gapanawag gani sa akon nga ato sila nga ready to market na tani galing kay indi naton masabat to kay tungod wala to buyer. Salig lang kita di sa aton local market subong. Barato man pangwa nila sang live weight ta”, suno kay Lauron.*
[sibwp_form id=1]