Sa Emergency Drug Store sa Cabahug Street sa Cadiz City nag bakal sang isa ka box ka syringe ang barangay treasurer sang Barangay Andres Bonifacio nga si Celia Rose Meraiz Martes sang aga.
Pagdaho sa iya nga box iya lang man ini ginrekta dala pauli.
Pagkasunod nga adlaw sang gamiton na ang mga syringe, nakibot siya sang ginpahibalo siya sang ila nga midwife nga imbis nga syringe, cash ang unod sang karton. Masobra sa four hundred ten thousand pesos ang unod sang box.
Nagpangayo sila sang bulig sa Cadiz PNP para ma facilitate ang pagbalik sang kwarta.
Suno sa hepe sang PNP nga si Police Lt. Col. Robert Mansueto, gintago sang tag iya sang botika ang kwarta sa box. Wala magdahom ang iya nga empleyado nga kwarta ang unod sang karton.
Bangud sang ginpakita nga katampad natalana nila pasidunggan sa madason nga semana ang barangay treasurer.
Suno sa kay Celia Rose, bisan sino ang naga kinahanglan sang kwarta karon bangud sang pandemic pero ginpensar niya nga ang tag iya sang kwarta ang basi mas naga kinahanglan sini gani iya ini nga ginbalik.
Ang lokal nga panguluhan sang Cadiz ang natalana man nga magkilala sa hinimuan sang barangay treasurer.