Arestado sang EB Magalona PNP ang 63 anyos nga manughilot nga si Alejandro Selendron matapos niya tiruhon ang iya sini bayaw kag livein partner kahapon sa EMI Homes sa Barangay Tanza sa EB Magalona.
Patay sa pagpaniro ang iya bayaw nga si Rigor Magallanes samtang pilason naman ang iya live-in partner nga si Angelyn Magallanes.
Pilason man ang iya kaingud nga si Wenifredo Diosto nga nasalabat sang bala.
Suno kay Police Captain Joseth Catonina, hepe sang EB Magalona PNP, gin sita sang suspek ang iya sini live-in partner bangud nadulaan sang P67,000 pesos ang iya sini gintago nga kwarta.
Iya ginpasibangdan si Angelyn bangud siya lang man ang nakabalo kun diin ini natago
Naakig ang manghod ni Angelyn suno sa pulis kag iya gin handos sang sundang si Selendron.
Ini ang nagtulod sa suspek nga kwaon ang iya armas kag iya gintiro ang bayaw.
Nagdalagan pa ang bayaw suno sa pulis upod sang magulang nga si Angelyn gani siya ang gintiro man ni Selendron.
Nasalabat ang kaingud nila nga si Diosto sang bala bangud sang pag paniro.
Patay suno sa pulis bangud sang loss of blood si Rigor samtang ang live-in partner sang suspek kag ang kaingod ang padayon naman ginabulong sa ospital.
Detained man sa EB Magalona PNP si Selendron.