Shadow

Barangay tanod gintiro, patay

YouTube player

Patay na sang maabtan sang iya pamilya ang 42 anyos nga si Michael Hugo nga nagahapa sa kilid sang isa ka hotel sa 13th Street Lacson sa Bacolod kaina sang aga.

Suno sa iya misis nga si Nerissa, kaagahon pa lang nagbyahe na sang tricycle ang iya bana nga barangay tanod sa Barangay 2.

Gani indi man siya mahim-os sa natabo sa iya bana.

Suno sa mga nakakita, duha ka wala makilal-an nga gunman ang nagluthang sa biktima. Isa sa ila ang nagpakuno kuno pa nga pasahero kag ang isa sa mga gunman ang malawig na nga nagahulat sa paglabay sang tricycle nga ginamaneho ni hugo sa 13th Street.

Malapit lang sa bangkay kag sa ginamaneho nga tricycle sang biktima nagalapta ang bala sang wala pa mahibaluan nga calibre sang pusil.

Wala pa sang napat-ud nga motibo ang katapo sang Police Station 2 angut sa nagluntad nga krimen.

Secured By miniOrangeSecured By miniOrange