Dengue cases nagsaka sa 164 percent sa Bacolod, Barangay Tangub napanguna nga may madamo nga kaso sa siudad.
Humalin sang Enero, naglab-ot na sa 233 ang kaso sang dengue sa Bacolod.
Sa record sang City Health Office, may 164.8 percent nga nagsaka ang dengue cases kun diin may 88 ka mga dugang nga kaso ang na-report kun ikumparar sa pareho nga period sang nagligad nga tuig.
Ang Barangay Tangub ang nagapabilin nga may madamo nga kaso nga nagalab-ot sa 20 dengue cases.
Nagasunod ang Barangay Alijis nga may probable dengue death upod sa Estefania kag Mansilingan nga palareho nga 18 ka kaso sang dengue.
Nalakip sa may mataas nga dengue cases ang Barangay Villamonte -16, Barangay Taculing nga may 15, Barangay Singcang -Airport kag Mandalagan may tig-14 ka cases.
Ang 1 – 10 year old nga age group amo ang kalabanan sa pasyente sang dengue.