Sumugod sa Enero, balabagan na sang mga nagabantay nga barangay tanod nga makasulod sa trabaho ang mga unvaccinated nga barangay workers nga wala sang may ipakita nga negative RT-PCR test result.
Suno kay Punong Barangay Jerry Tingson sang Estefania, binulan naman nga natagaan nila sang higayon ang mga trabahador nga makapabakuna agud man mapangapinan ang ila kaugalingon sa epekto sang Covid-19 virus.
Gani nagapati man siya nga wala sang rason nga indi maka-comply sa pagsulandan sang Inter-Agency Task Force angut sa no vaccination no work policy.
Ang indi man maka-duty ang wala man sang pagabatunon nga allowances.
Bisan halos 100 percent na nga fully vaccinated kag partially vaccinated ang mga barangay workers sang Estefania. Pero may yara sa gihapon sang pila pa nga indi magpabakuna.
Ang iban nga mga barangay magahulat anay sang guidelines gikan sa local government.
Kadam-an sa mga punong barangay ang nagapanawagan man nga magpabakuna na ilabi na sa natalana nga bayanihan bakunahan 2 sa Disyembre 15-17.